اُڈپی:غیر قانونی شراب سپلائی :اومنی کار، شراب سمیت 2گرفتار
اُڈپی:23/جولائی (ایس اؤنیوز)ماروتی اومنی کار کے ذریعے غیر قانونی طورپر شراب کررہے 2افراد کو ایکسائز محکمہ کے عملے نے 22جولائی کی دوپہر 30-01بجے بیلمنے کے قریب گرفتار کیا ہے۔
گرفتار شدگان کی شناخت کارکلا کے گریشم(24)اور کیرواسے کے سریش شٹی (28)کے طورپر کی گئی ہے۔ ملزموں سے 77.760لیٹر شراب اور 125.040لیٹر بیر اور اومنی کار ضبط کرلی گئی ہے۔ جس کی کل مالیت 3،28،800روپئے اندازاً لگائی گئی ہے۔ ملزمان کے تعلق سے بتایاگیا ہے کہ یہ دونوں غیر قانونی طور پر شراب کاجمع کرکے فروخت کیا کرتے تھے، جب دونوں ملزم شراب فروخت کررہے تھے تو عملے نے چھاپہ مارکر گرفتار کیا ہے۔ اس معاملے کو لےکر کیس داخل کرلینے کے بعد جانچ کررہے ہیں۔ منگلورو زونل ایکسائز جوائنٹ کمشنر شئیلجا کوٹے کے حکم اُڈپی ضلع ایکسائز نائب کمشنر روپا ایم کی رہنمائی میں ایکسائز انسپکٹر نتیانند ، ایکسائز عملہ مناف صاحب سمیت دیگر عملے اور ڈرائیور کارروائی میں شریک تھا۔