اُڈپی:18/اگست (ایس اؤنیوز) غیرقانونی طورپر گانجہ ذخیرہ کرنے پر اُڈپی ڈی سی آئی بی پولس نے اُڈپی کے پیرمپلی ریلوے بر ج پر ملزم کو گرفتار کرنےمیں کامیاب ہوئی ہے۔ گرفتارشدہ ملزم کی شناخت اُڈجپی گونڈی بائیل کے مکین کوشیک (19)کے طورپر کی گئی ہے۔

ملزم کوشیک سے پولس نے 13ہزار روپئے مالیت کا 430گرام وزنی گانجہ اور 5ہزاروپئے قیمت کا موبائیل ضبط کرلیا ہے۔ گرفتارشدہ ملزم کا کیس منی پال پولس تھانہ منتقل کیا گیا ہے۔ متعلقہ کارروائی میں اُڈپی کے ایس پی ڈاکٹر سنجیو پاٹل کے حکم پر ڈی وائی ایس پی کمار سوامی کی رہنمائی میں ڈی سی آئی بی پولس انسپکٹر سنپت کمار اور اے ایس آئی روزاریوڈیسوزا، روی چندر، چندر شٹی ، رامو ہیگڈے ، راگھویندر، سنتوش کندر، راج کمار، دیانند پربھو، پروین، شیوانند، ڈرائیور راگھویندر شریک تھے۔ منی پال پولس تھانے میں کیس درج کرلینے کے بعد جانچ جاری ہے۔