سرسی کے قریب لاری کی ٹریکس سے ٹکر؛ دو کی موت، دس زخمی
سرسی 2/جون (ایس او نیوز) سرسی۔کمٹہ روڈ پر راگی ہوسلیّ کے قریب جمعہ اور سنیچر کی درمیانی شب کو لاری اور ٹریکس (طوفان) کے درمیان ہوئی ٹکر میں ٹریکس پر سوار دو لوگوں کی موقع پر ہی موت واقع ہوگئی جبکہ بچوں سمیت دس لوگ زخمی ہوگئے۔
ذرائع سے ملی اطلاع کے مطابق ٹریکس پر سوار سبھی لوگ گوکرن کی سیر کے بعدسرسی کے راستے رون جارہے تھے کہ مخالف سمت سے آنے والی تیز رفتار لاری ان کی ٹریکس سے ٹکراگئی۔ حادثے میں جن دو لوگوں کی موت واقع ہوئی، اُن کی شناخت رمیش چترکار اور کرشنا بائی چترکار کی حیثیت سے کی گئی ہے۔ حادثے میں بچوں سمیت دس لوگ زخمی ہوئے ہیں جن میں ڈرائیور ستیش اور مہلوک کی رشتہ دار شوبھا چترکار کی حالت نازک بتائی گئی ہے۔
سبھی زخمیوں کو سرسی سرکاری اسپتال میں ابتدائی طبی امداد پہنچانے کے بعد ہبلی روانہ کیا گیا ہے۔