منڈگوڈ میں خاتون کے گلے سے سونے کی چین اڑانے والے دو ملزم گرفتار
منڈگوڈ 25؍اگست (ایس او نیوز)شہر میں خاتون کے گلے سے سونے کی چین اڑالے جانے والے دو ملزمین کو پولیس نے گرفتار کیاہے جن کی شناخت ہبلی کے رہنے والے اسحاق احمد غلام سوتار اور اشفاق بشیر صاب عطار کی طور پر کی گئی ہے۔
کہاجاتا ہے کہ اپنے گھر کے پاس شام کے وقت ہواخوری کے لئے نکلنے والی سروجا سوامی کلال کے گلے سے بائک پر آنے والے ان دو چوروں نے چین اڑالی تھی اور موقع پر سے فرار ہوگئے تھے۔ اس تعلق سے منڈگوڈ پولیس اسٹیشن میں شکایت درج کی گئی تھی۔جس کے بعد سرکل پولیس انسپکٹر کی قیادت میں چوروں کو پکڑنے کے لئے ایک ٹیم تشکیل دی گئی تھی۔ معاملے کی تحقیقات کے دوران مذکورہ بالا ملزمین پولیس کے ہاتھ لگے اور ان سے تفتیش کرنے پر انہوں نے اقبال جرم کرلیا۔
پولیس کا کہنا ہے کہ گرفتار ملزمین کے پاس سے چوری کے لئے استعمال کی گئی موٹر بائک، چاقو،منھ پر پہننے والا نقاب اور چرائی گئی سونے کی چین برآمد کی گئی ہے۔