ایرناکولم:8/؍دسمبر (ایس او نیوز) ایک نابالغ لڑکی کی عصمت دری کے الزام میں گرفتار عیسائی پادری کو کیرالہ کی ایک خصوصی عدالت نے دوہری عمر قید کی سزاسنائی ہے۔ کہا جاتا ہے کہ فادر ایڈون فیگاریز نے چرچ سے وابستہ ایک نابالغ لڑکی کے ساتھ مسلسل جنسی زیادتیاں کی تھیں۔گزشتہ سال اپریل میں لڑکی کی ماں کی طرف سے پولیس میں شکایت کے بعد پادری فیگاریزکچھ وقفے کے لئے لا پتہ ہوگیا تھا جسے بعد میں پولیس نے گرفتار کرکے جیل بھیج دیا تھا۔
خصوصی عدالت نے پادری کو ڈبل عمر قید کی سزا سنانے کے علاوہ اس پر 2,15,000روپے کا جرمانہ بھی لگایا ہے اور ملزم کو روپوش ہونے میں مدد کرنے والے اس کے بھائی کو بھی ایک سال کی سزا سنائی ہے۔