ہرمن پریت کی کپتانی اننگز ؛ ہندوستانی خاتون ٹیم نے دی سری لنکا کو شکست ؛ پانچ میچوں کی سریز میں شاندار کامیابی

Source: S.O. News Service | By Staff Correspondent | Published on 25th September 2018, 7:35 PM | اسپورٹس |

کاتونائکے(سری لنکا) ،25؍ ستمبر (آئی این ایس انڈیا؍ ایس او نیوز)   کپتان ہرمن پریت کور کی طوفانی نصف سنچری  کی مدد سے ہندوستانی خاتون ٹیم نے منگل کو یہاں پانچویں اور آخری ٹی 20 بین الاقوامی کرکٹ میچ میں میزبان سری لنکا کو 51 رنز سے شکست دے کر پانچ میچوں کی سیریز 4-0 سے جیت لی۔

ہرمن پریت نے 38 گیندوں پر تین چوکوں اور پانچ چھکوں کی مدد سے 63 رن بنائے اور نوجوان جیمما روڈرگس (31 گیندوں پر 46 رن) کے ساتھ تیسرے وکٹ کے لئے 75 رن جوڑ کر ٹیم کو ابتدائی جھٹکوں سے نکالا۔یہ شراکت ٹوٹنے کے بعد حالانکہ ہندوستانی اننگز بکھر گئی اور پوری ٹیم 18.3 اوور میں 156 رن پر آؤٹ ہو گئی۔لیکن ششی کلا سریوردھنے اور انوشی پریدرشنی نے نہایت بہترین گیند بازی کرتے ہوئے  تین تین وکٹ لے کر اپنی ٹیم کو واپسی  دلائی۔

 سری لنکائی بلے بازوں کے لیے یہ ہدف کافی چیلنج بھراتھا۔ہندوستانی گیند بازوں نے بھی کفایتی گیند بازی کی اور سری لنکا کی پوری ٹیم کو 17.4 اوور میں 105 رنز پر ڈھیر کر دیا۔

سری لنکا کی جانب سے انوشکا سنجیونی نے سب سے زیادہ 29 رن بنائے۔لیگ اسپنر پونم یادو ہندوستان کی سب سے زیادہ کامیاب بولر رہی۔انہوں نے 18 رن دے کر تین وکٹ لئے۔آف اسپنر پرتیبھا شرما (18 رن دے کر دو) اور بائیں ہاتھ کی اسپنر رادھا یادو (14 رن دے کر دو) نے ان کا اچھا ساتھ دیا۔ہندوستان اس طرح سیریز کے تمام میچ جیتنے میں کامیاب رہا۔ایک میچ بارش کی نذر ہوگیا تھا۔ ہندوستان نے ون ڈے سیریز میں بھی 2-1سے جیت درج کی تھی۔

ایک نظر اس پر بھی

ہندوستان اور آسٹریلیا پرتھ ٹسٹ میں وراٹ کوہلی نے لگائی 25ویں سنچری

ہندوستان اور آسٹریلیا کے بیچ کھیلے جا رہے پرتھ ٹسٹ کے تیسرے دن ہندوستانی ٹیم کے کپتان وراٹ کوہلی نے 25ویں سنچری لگا دی۔ ان کی سنچری کی مدد سےہندوستان نے آسٹریلیا کو زبردست جواب دیا ہے۔ کوہلی اس سیریز کے پہلے میچ میں کامیاب نہیں ہوئے تھے اورسستے میں آوٹ ہوگئے تھے لیکن پرتھ ...

وراٹ کوہلی اور پرتھوی شا کی نصف سنچریوں کی بدولت ہندوستان نے بنا358 رنز

شاندار فارم میں چل رہے کپتان وراٹ کوہلی (64) اور نوجوان پرتھوی شا (66) سمیت پانچ ہندوستانی بلے بازوں نے نصف سنچری جمائے جس کی مدد سے ہندوستان نے کرکٹ آسٹریلیا الیون کے خلاف بارش سے متاثر پریکٹس میچ میں دوسرے دن 358 رن بنائے۔جواب میں کرکٹ آسٹریلیا الیون نے چار اوور میں بغیر کسی نقصان ...

پاکستان کو زبردست جھٹکا: بی سی سی آئی کا ہندوستانی ٹیم کو پاکستان بھیجنے سےانکار

 ہندوستانی کرکٹ کنٹرول بورڈ (بی سی سی آئی) نے آئندہ ایمرجنگ نیشنس کپ کیلئے ہندوستانی ٹیم کو پاکستان بھیجنے سے انکارکردیا ہے۔ حال ہی میں معاوضے کے سلسلے میں کیس جیتنے والی بی سی سی آئی نے ہندوستانی ٹیم کو پاکستان بھیجنے سے انکارکیا ہے۔

اردویونیورسٹی میں پہلے آزاد راؤنڈ رابن لیگ والی بال ٹورنمنٹ کا انعقاد

نظامت جسمانی تعلیم و کھیل کود، مولانا آزاد نیشنل اردو یونیورسٹی کے زیر اہتمام پہلے آزاد راؤنڈ رابن لیگ والی بال ٹورنمنٹ 2018 کا انعقاد یونیورسٹی اسپورٹس کمپلیکس میں عمل میں آیا۔ ایک روزہ ٹورنمنٹ کو ریڈ ہلز والی بال ٹیم نے جیت لیا۔ مہمانِ خصوصی ڈاکٹر محمد اسلم پرویز، وائس ...

میرے بیان کو توڑ مروڑ کر پیش کیا گیا اے ایم یو کے نام سے’مسلم‘ لفظ ہٹانے کی بات نہیں کہی:سابق ہاکی کھلاڑی ظفر اقبال

ہندوستانی ہاکی ٹیم کے سابق کپتان اور اولمپک کھیلوں کے گولڈ میڈلسٹ ٹیم کے رکن رہ چکے ظفر اقبال نے ان کے ذریعہ علی گڑھ مسلم یونیورسٹی (اے ایم یو) کا نام بدلنے کی حمایت کرنے کی خبروں پر نارازگی ظاہر کی ہے۔ظفر نے کہا کہ ان کے بیان کو توڑ مروڑ کر پیش کیا جا رہا ہے۔اے ایم یو کے طالب علم ...

وراٹ کوہلی ٹاپ پربرقرار، ربادا پھر بنے نمبر ون گیندباز

ہندوستانی کپتان وراٹ کوہلی آسٹریلیا کے خلاف چار ٹیسٹ میچوں کی اہم سیریز سے پہلے آئی سی سی ٹیسٹ بلے بازی رینکنگ میں ٹاپ پربنے ہوئے ہیں جبکہ جنوبی افریقہ کے کیگسو ربادا پھر دنیا کے نمبر ایک ٹیسٹ بولر بن گئے ہیں۔آئی سی سی کی بدھ کو یہاں جاری رینکنگ کے مطابق کوہلی کے 935 پوائنٹس ہیں۔