سنیل گواسکر نے ہولڈر کی تنقید کی ، کہا:کہیں سے بھی ٹیسٹ گیندباز نظر نہیں آتے
اینٹیگا، 23؍جولائی (ایس اونیوز/آئی این ایس انڈیا )ٹیم انڈیا کے سابق کپتان سنیل گواسکر کا ویسٹ انڈیز سے خصوصی رشتہ رہا ہے۔اس وقت بھی وہ ویسٹ انڈیزمیں ہیں اورٹیم انڈیا کی کارکردگی پر نظر بنائے ہوئے ہیں۔ویسٹ انڈیز کی کمزور گیندبازی پر تنقید کرتے ہوئے کرتے ہوئے سنیل گواسکر نے کہا کہ جیسن ہولڈر کہیں سے بھی ٹیسٹ گیندباز نظر نہیں آتے اور اگر وہ ویسٹ انڈیز کی ٹیم کے کپتان ہیں اورسلامی گیندبازہیں توپھر ایسے میں ویسٹ انڈیز کا بھگوان ہی مالک ہے۔جیسن ہولڈر کی تنقید کرتے ہوئے گواسکر نے کہاکہ صرف ویسٹ انڈیز کی ٹیم ہی نہیں ، وہ دنیا کی کسی بھی ٹیسٹ ٹیم میں اپنی جگہ نہیں بنا سکتے۔ویسٹ انڈیز کی موجودہ گیندبازکوسنیل گواسکرنے کسی کلب لیول کی گیندبازی سے بھی خراب بتایا ۔اس درمیان سنیل گواسکر نے کہا کہ وراٹ کوہلی کی اننگ نے پورے میچ کا رخ پلٹ دیا اور انہوں نے نہ صرف اپنے رنزبنائے بلکہ ان کے آنے سے پہلے شیکھر اورپھر آشون کو بھی بلے بازی کرنے میں آسانی ہوئی۔وراٹ نے جب ڈبل سنچری بنائی توسنیل گواسکراسٹیڈیم میں ان کی بلے بازی کابغورجائزہ لے رہے تھے۔گواسکر نے صاف کہا کہ وراٹ کی کامیابی ان کی محنت اور تیاری کا نتیجہ ہے۔