سنیل چھتری نے اپنے 100 ویں میچ میں دو گول داغے، ٹیم انڈیا 0-3 سے کامیاب

Source: S.O. News Service | By Shahid Mukhtesar | Published on 5th June 2018, 12:21 PM | اسپورٹس |

ممبئی،4؍جون(ایجنسی) ہندوستانی فٹبال ٹیم کے کپتان سنیل چھتری نے اپنے 100 ویں میچ میں دو گول داغے، جس سے ہندوستان نے انٹر کانٹینیٹل کپ فٹبال ٹورنامنٹ میں پیر کو کینیا کو 0-3 سے شکست دے کر فائنل میں اپنی جگہ یقینی کرلی۔

ہندوستان کی ٹیم اس جیت سے دو میچوں میں دو جیت کے ساتھ 6 پوائنٹ حاصل کرکے ٹاپ پر ہے. کینیا نے دو میچوں میں ایک شکست اور ایک جیت سے تین پوائنٹ ہیں اور وہ دوسرے مقام پر ہے۔

میچ کی شروعات تیز بارش کے درمیان ہوئی اور دونوں ٹیموں کے کھلاڑیوں کو پریشانی کا سامنا کرنا پڑا. ہندوستان کی طرف سے پہلی اچھی کوشش ساتویں منٹ میں ادانتا سنگھ نے کی. وہ بائیں طرف سے آگے بڑھے، لیکن باکس کے اندر ان کا کراس کافی سست رہا. جسے مخالف گول کیپر پیٹرک نے آسانی سے اپنے قبضے میں لے لیا۔

کینیا نے اس کے بعد پلٹ وار کیا. لیکن گول نہیں بناسکے. ہندوستان کو 14 ویں منٹ میں فری کک ملا لیکن ابرودھ تھاپا نے اسے سیدھے متاسی کے ہاتھوں میں دے دیا۔

دلچسپ میچ میں سنیل چھتری نے 68 ویں منٹ میں گول کرکے میزبان ٹیم کو 0-1 سے آگے کردیا. یہ چھتری کا 60 واں بین الاقوامی گول تھا۔

اس کے بعد جے جے لال پیکھلوا نے گول کیا اور ہندوستان کی سبقت 0-2 کی ہوگئی. سنیل چھتری نے اس کے بعد انجری ٹائم کے پہلے منٹ میں ایک اور گول کرکے ہندوستان کی 0-3 کی جیت کو یقینی بنادیا۔

واضح رہے کہ سنیل چھیتری نے اپنے ویڈیو پیغام میں کہا تھا کہ ان سبھی لوگوں کو، جن کو ہندوستانی فٹبال  سے امیدیں ختم ہوگئی ہیں، یا کوئی امید ہی نہیں ہے، ان سبھی سے ہم اسٹیڈیم آنے کی گزارش کرتے ہیں۔ انٹرنیٹ پر مذاق اڑانا یا تنقید کرنا زیادہ دلچسپ نہیں ہے، اسٹیڈیم آکر ہم پر چلّائیے۔ کینیا کے خلاف سنیل چھیتری بھارت کی جرسی میں اپنا 100 واں میچ بھی کھیلیں گے۔ وہ ہندوستان کے لئے 100 میچ کھیلنے والے دوسرے فٹبال کھلاڑی ہیں۔ چھیتری سے قبل سابق کپتان بائچنگ بھوٹیا نے اپنے ملک کے لئے 100 میچ کھیلے تھے۔

ایک نظر اس پر بھی

اگر وزیر کھیل نے نہیں دیا جواب تو کورٹ کا راستہ اپنائیں گے؛ بجرنگ پونیا نے اسپورٹس منسٹر کو کیا متنبہ

راجیو گاندھی کھیل رتن ایوارڈ نہ ملنے سے مایوس اسٹار پہلوان بجرنگ پونیا نے وزیر کھیل وردھن سنگھ راٹھور سے ملاقات کی اور کہاکہ انہیں یقین ہے کہ ان کے معاملے پر غور کیا جائے گا۔بجرنگ نے کہاکہ مجھے آج وزیر کھیل سے ملنا تھا لیکن اچانک ہی ہمیں گزشتہ شام ملاقات کے لیے فون آ گیا۔

کون بہترین ٹیم ہے یہ معنی نہیں رکھتا، غلطیوں سے سبق لینا اہم: راہل دراویڈ

سابق ہندوستانی کپتان راہل دراوڑ نے چیف کوچ روی شاستری کے انگلینڈ کے دورے پر ’بہترین ٹیم‘ سے متعلق بیان پر جمعہ کو یہاں کہا کہ ان کے لیے یہ معنی نہیں رکھتا کہ کون بہترین ہے اور کون نہیں کیونکہ ابھی زیادہ اہم یہ ہے کہ ٹیم نے اس سے کیا سبق لیا اور آگے کس طرح بڑھنا ہے۔ہندوستانی ٹیم ...

خلیل احمد ہوئے ٹیم انڈیا میں شامل، کیا ظہیرخان کی کمی پوری کرے گا یہ تیز بائولر ؟

راجستھان کے ٹونک ضلع کے 20 سال کے لیفٹ آرم اسپنرخلیل احمد نے ایشیا کپ 2018 میں ہانگ کانگ کے خلاف میچ کے ساتھ ہی ٹیم انڈیا کی طرف سے ڈیبیوکیا ہے۔ انہیں روہت شرما نے کیپ سونپی۔ اس ٹورنامنٹ میں مستقل کپتان وراٹ کوہلی کوآرام دیا گیا ہے، لہٰذا روہت شرما 16 رکنی ٹیم کی کمان سنبھال رہے ...

درونہ چاریہ ایوارڈ کے لئے وجے شرما اورتارک سنہا کے نام کی سفارش

ہندوستانی خاتون ویٹ لفٹرمیر ابائی چانو کے کوچ وجے شرما اور تجربہ کار کرکٹ کوچ تارک سنہا کا نام درونہ چاریہ ایوارڈ کے لئے بھیجا گیا ہے۔ ان دونوں کے علاوہ پانچ مزید لوگوں کے نام بھی اس ایوارڈ کے لئے سلیکشن کمیٹی کو بھیجے گئے ہیں۔