سولیا میں اسکول بس میں لگی آگ۔ خوش قسمتی سے گاڑی بچوں سے خالی تھی
سولیا 15؍مارچ (ایس او نیوز) سولیا سے قریب اجّیوارا گاؤں میں صبح کے وقت بچوں کو لینے کے لئے نکلی ہوئی اسکول بس میں اچانک آگ بھڑک اٹھی، مگر خوش قسمتی سے بس میں ابھی بچے سوار نہیں ہوئے تھے، ورنہ یہ ایک بہت ہی المناک حادثہ ہوسکتا تھا۔
کہتے ہیں کہ جس وقت کسی تیکنیکی خرابی کی وجہ سے بس میں آگ بھڑکی اس وقت اس کے اندر صرف ڈرائیور اور کنڈکٹر موجود تھے، جو بحفاظت بس سے باہر نکل آئے۔آگ سے بس بری طرح جل گئی ہے۔ فائر بریگیڈ کے عملے نے موقع پر پہنچ کر آگ پر قابو پالیا۔ اس سلسلے میں پولیس نے کیس درج کرلیا ہے۔