بھٹکل حنیف آباد میں شطرنج میں اول آنے اور ڈیکوریشن میں اول مقام حاصل کرنے پر تہنیت
بھٹکل 22/اگست (ایس او نیوز) تعلقہ کے حنیف آباد سرکاری اسکول میں منعقدہ ایک تہنتی پروگرام میں ساتویں کے طالب العلم محمد یاسر فراز اور اسکول ٹیچر شائستہ کی تہنیت کی گئی اور دونوں کو ٹاپ ہیلپنگ ایمرجنسی سروس کی جانب سے اعزاز سے نوازا گیا۔
بتایا گیا ہے کہ شرالی میں حال ہی مٰیں منعقدہ کلسٹر لیول شطرنج مقابلے میں گورنمیٹ اُردو ہائیر پرائمری اسکول حنیف آباد کے ہفتم درجہ کے طالب العلم محمد یاسر کو پہلا مقام حاصل ہوا تھا، اسی طرح حنیف آباد کی انگن واڑی اسکولوں کے درمیان 15/اگست یوم آزادی کی تقریب کے موقع پر بہترین ڈیکوریشن کرنے پر انعام سے نوازنے کا اعلان کیا گیا تھا، جس میں حنیف آباد انگن واڑی اسکول کی ٹیچر شائستہ کو پہلا مقام حاصل ہوا تھا۔
شطرنج مقابلے میں جملہ 26اسکولوں کے بچوں نے حصہ لیا تھا جس میں حنیف آباد اسکول کے طالب العلم کے اول مقام حاصل کرنے پر اسکول انتظامیہ نے بھی محمد یاسر کو مبادکباد پیش کی ہے۔
