اُڈپی 21/ فروری (ایس او نیوز) یہاں کٹپاڈی کے قریب نیشنل ہائی وے 66 پر ہوئے ایک سڑک حادثہ میں بائک سوار موقع پر ہی ہلاک ہوگیا جس کی شناخت گروپرساد توم پجاری (26) کی حیثیت سے کی گئی ہے۔ حادثہ بدھ کی رات قریب نو بجے پیش آیا جب ایک ٹینکر نے پیچھے سے بائک کو ٹکر ماردیا۔

بتایا گیا ہے کہ کٹپاڈی کے رہنے والا گروپرساد گلف میں ملازمت کرتا تھا اور حال ہی میں چھٹیوں پر اپنے گائوں آیا تھا۔ اُڈپی سے مینگلور کی طرف جانے والی ٹینکر تیز رفتاری کے باعث پیچھے سے بائک سے ٹکراتے ہوئے بائک سوار کو کچل دیا۔ جس کے نتیجے میں گروپرساد کی موقع پر ہی موت واقع ہوگئی۔ ٹکر مارتے ہی ٹینکر ڈرائیور ٹینکر کو وہیں چھوڑ کر فرار ہوگیا۔

حادثے کی اطلاع ملتے ہی کاپو پولس جائے واردات پر پہنچی اور ضروری کاروائیوں کے بعد لاش کو پوسٹ مارٹم کے لئے سرکاری اسپتال منتقل کردیا۔

پولس مزید چھان بین کررہی ہے۔