سرسی: 30؍اکتوبر (ایس او نیوز) ہوم گارڈ دستہ کے اعلیٰ افسر اور سرسی یونٹ آفیسر کے طورپر خدمات انجام دینےو الے منجوناتھ شٹی (ممکری منجو شٹی ) کو ہوم گارڈدستہ سے معطل کر تے ہوئے ان کے عہدے پر مہابلیشور بنڈیرکو تقرر کیاگیا ہے۔

منجوشٹی کے نام سے معروف یہ آفیسر شہر کے ایم ای ایس کالج میں منعقدہ ایم ای ایس ہبا کے دوران کسی بھی آفیسر کی منظوری لئے بغیر خود اضافی رقم لے کر ہوم گارڈ دستہ کے عملے کو سکیورٹی کے لئے تعینات کیا تھا۔ اور منتظمین سے زائد رقم لینے کی بات کہی جارہی ہے۔ اسی وجہ سے انہیں معطل کیا گیا ہے۔ اس سے قبل بھی دستہ کے عملے کی طرف سے ان پر الزامات سننے میں آئے ہیں۔ جب کبھی پولس محکمہ کو ہوم گارڈ عملہ دیاجاتاتھا عملے کی تنخواہ میں اتنی اتنی کمیشن دینے کے لئے ہراساں کئے جانے کا عملہ الزام لگاتار ہاہے۔ ایم ای ایس ہبا کے دوران فی عملہ 325روپئے مشاہیرہ دیا جاتاہے۔ لیکن ہبا کے لئے انہوں نے کسی سے پوچھے بغیر عملہ کو 400روپئے اور افسران کو 800روپئے کا مشاہیرہ طئے کرکے ادارے سے زائد رقم لینے کی وجہ سے ہوم گارڈ دستہ کے اعلیٰ افسران نے انہیں معطل کئے جانے کی اطلاعات موصول ہوئی ہیں۔