سداپور:26؍مارچ (ایس او نیوز)آئندہ ہونے والے لوک سبھا انتخابات میں آزاد امیدوار کی حیثیت سے انتخاب لڑنےو الے وکیل جی ٹی نائک کی ہم لوگ حمایت کریں گے۔ کیونکہ وکیل جی ٹی نائک غریب، پسماندہ ، کسان اور مظلو م طبقات کے متعلق فکر رکھتے ہیں ۔ہیمنت نائک، ہریش نائک، ارون نائک نے پریس ریلیز جاری کرتے ہوئے اعلان کیا ہے۔

پریس ریلیز میں کہاگیا ہے کہ 5مرتبہ ایم پی منتخب ہونے والے اننت کمار ہیگڈے سے ضلع کو کوئی فائدہ نہیں پہنچاہے  اور ان سے ترقی کی امید کرنا ممکن بھی نہیں ہے۔ مرکزی وزیر کی حیثیت سے بھی ان کا کام صفر ہے۔ انتخابات کے موقع پر عوام کے قریب آنے والے اننت کمار ہندو توا کے نام پر پسماندہ اور دلت نوجوانوں کے ساتھ کھلواڑ کرکے ووٹ میں منتقل کرنے کا الزام لگایا ہے۔