سداپورمیں محکمہ آبکاری کے چھاپے سے خوفزدہ ہوکر بھاگنے والا شخص کنویں میں گرگیا۔ خودکشی کی کوشش کا معاملہ ہو ادرج

Source: S.O. News Service | By Shahid Mukhtesar | Published on 16th March 2019, 12:52 PM | ساحلی خبریں |

سداپور 16؍مارچ (ایس او نیوز) سداپور تعلقہ کے چندرا گھٹگی نامی گاؤں میں غیر قانونی شراب فروخت کی جانے والی ایک دکان پر محکمہ آب کاری کے افسران نے جب چھاپہ مارا تو دکان کا مالک خوفزدہ ہوکر بھاگنے لگا اور حادثاتی طور پر کنویں میں گرگیا۔ جسے بعد میں کنویں سے نکال کر اسپتال میں علاج کے لئے داخل تو کیا مگر اس پر پولیس تھانے میں خودکشی کی کوشش کا معاملہ درج ہوا ہے۔

موصولہ تفصیلات کے مطابق بدھ کی رات میں محکمہ آبکاری کے سرسی ڈیویژن کے سب انسپکٹر سنجیوا ریڈی اور ان کے عملے نے چندراگھٹگی میں واقع پرمود گنپتی نائک کی دکان پر تلاشی کے لئے چھاپہ ماری کی۔ پرمود اس سے خوفزدہ ہوگیا اور دکان کے پچھواڑے سے بھاگنے کی کوشش میں کنویں میں گرگیا۔ اس معاملے کی اطلاع ملنے پر پولیس کا عملہ موقع پر پہنچ گیا اور مقامی افراد کی مددسے پرمود کو کنویں سے نکالا گیا۔سداپور کے اسپتال میں ابتدائی طبی امداد کے بعد اسے مزید علاج کے لئے شیموگہ لے جایاگیا اور وہاں مناسب علاج کے بعد گھر واپس بھیج دیا گیا ہے۔

پرمود گنپتی کے خلاف ایک طرف محکمہ آبکاری نے غیرقانونی شراب فروشی کا کیس درج کرلیا ہے تو دوسری طرف سداپور پولیس نے خودکشی کی کوشش کا الزام لگاتے ہوئے معاملہ درج کیا ہے۔پتہ چلا ہے کہ پرمود گنپتی نائک کے گھر والوں نے بھی کاؤنٹر کمپلینٹ درج کروایا ہے۔

ایک نظر اس پر بھی

شمالی کینرا پارلیمانی حلقہ : انتخابی غیر قانونی سرگرمیوں پر کڑی نگاہ رکھنے 206سی سی ٹی وی کیمروں کی نصب کاری

اپریل مئی میں منعقد ہورہے لوک سبھاانتخابات کو صاف شفا ف رکھنے  کے لئے شہری اور گاؤں کی سطح پر پہلی مرتبہ 206سی سی ٹی وی کیمروں کی نصب کاری کرتے ہوئے انتخابات کی نگرانی کی جائے گی۔

منگلورو کوسٹ گارڈنے بیچ سمندر میں پھنسے 15ماہی گیروں کو بچالیا

کاروار سمندری علاقے میں 46 ناٹیکل مایئلس کی دوری پرایمانیول کونھپّا نامی ماہی گیر کشتی کا انجن جب بیچ سمندر میں فیل ہوگیا اور اس پر موجود 11ماہی گیر مصیبت میں پھنس گئے توکنّور ڈسٹرکٹ ڈِسیاسٹر منیجمنٹ اتھاریٹی نے ڈی ایچ او کے افسران کو فوری طور پر اس کی اطلاع کردی۔

منگلورو انٹرنیشنل ایئر پورٹ پر 4.65 لاکھ روپے مالیت کاسونا ضبط۔ میگنیٹک بریس لیٹ کی شکل میں اسمگل کرنے کی کوشش ناکام

منگلورو انٹرنیشنل ایئر پورٹ پر کسٹمز افسران نے دبئی سے آنے والے ایک مسافر کے پاس سے بیرونی ملک میں تیار شدہ 24 قیراط کا 142.70گرام سونا ضبط کیا ہے جس کی مالیت کا اندازہ 4.65لاکھ روپے لگایا گیا ہے۔

انکولہ میں ہوئے سڑک حادثہ میں ایک نوجوان جاں بحق؛ دو زخمی؛ ایس ایس ایل سی امتحان دینے کاروار جانے کے دوران پیش آیا حادثہ

ایس ایس ایل سی امتحان دینے کاروار جانے کے دوران بھٹکل کی ایک کار انکولہ کے قریب نیشنل ہائی وے پر حادثے کا شکار ہوگئی جس کے نتیجے میں کار پر سوار ایک نوجوان  جاں بحق ہوگیا جبکہ دیگر دو کو معمولی چوٹیں آئی ہیں۔