چکمگلور:11/جنوری (ایس او نیوز)نمو برگیڈ کے سولی بیلے چکرورتی پروگرام کو لے کر پولس تھانے میں درج ہوئے کیس میں بطور ملزم اپنا نام پیش ہونے پر دلی بیزار گی کا اظہار کرتے ہوئے اے بی وی پی کے ایک کارکن، بی کام کے طالب علم نے خودکشی کرنے کی واردات چکمگلور ضلع شرنگیری میں پیش آئی ہے۔
مہلوک اے بی وی پی کارکن کی شناخت شرنگیری جے سی بی ایم کالج شعبہ بی کام کے طالب علم ابھیشک (21)بتائی گئی ہے۔موصولہ اطلاعات کے مطابق7جنوری کو شرنگیری میں شہید فوجیوں کی یاد میں ’’ فوجیوں کو سلام ‘‘ نامی منعقدہ پروگرام میں نمو برگیڈ کے سولی بیلے چکرورتی کو شریک ہونا تھا۔ لیکن این ایس یو آئی نامی طلبا تنظیم نے سولی بیلے چکرورتی کی پروگرام میں شرکت کی مخالفت کرتے ہوئے پریس کانفرنس کی تھی۔ اسی وجہ سے اے بی وی پی اور این ایس یو آئی کارکنان کے درمیان جھگڑا بھی ہوا تھا۔ معاملے کو شرنگیری پولس تھانے میں اے بی وی پی کے 4کارکنوں کے خلاف کیس درج ہواتھا، ان چار کارکنوں میں ایک ابھیشک بھی ہونے کی اطلاع موصول ہوئی ہے۔ اپنے ڈیتھ نوٹ میں ابھیشک نے لکھا ہے کہ معاملے کو لے کر داخل ہوئے کیس میں میرانام ہونے کی وجہ سے میری زندگی برباد ہوگئی ۔ شرنگیری پولس تھانےمیں کیس درج ہوا ہے۔ ابھیشک کی خود کشی کو لے کر اے بی وی پی کے کارکنان شرنگیری تعلقہ کے کالجوں کے طلبا کلاسوں کا بائیکاٹ کرتے ہوئے احتجاج پر اتر آئے ہیں۔ احتجاجیوں نے ابھیشک خود کشی کے لئے وجہ سبب بننے والوں کے خلاف کارروائی کا مطالبہ کیا ہے۔