ہوناور کے قریب ولکی میں شراوتی مسلم قائدین کی اہم نشست؛ رمضان اور عیدین ایک ساتھ منانے پاس پڑوس کے مسلمان متحد

Source: S.O. News Service | By I.G. Bhatkali | Published on 11th May 2018, 12:47 AM | ساحلی خبریں |

بھٹکل 10/مئی  (ایس او نیوز) پڑوسی تعلقہ ہوناور کے قصبہ ولکی میں پیر 7/مئی  کو شراوتی کونسل کے زیراہتمام مسجد ابوبکر صدیق  ؓ میں ایک اہم نشست کا انعقاد کیا گیا جس میں ہوناور کے شراوتی بیلٹ پر بسنے والے مختلف علاقوں کی جماعتوں کے ذمہ داران نیز علماء و عمائدین  کو مدعو کیا گیا تھا۔ میٹنگ میں  بالخصوص رمضان ، عیدین و دیگر مسائل کی یکسوئی  کے لئے ایک رویت ھلال کمیٹی  قائم کرنے   پر زور دیا گیا۔جس کے لئے فوری طور پر ایک عبوری کمیٹی بھی  تشکیل دی گئی ہے' جس کے تعلق سے بتایا گیا ہے کہ اس کمیٹی کو دو ایک خصوصی مجالس کے بعد حتمی شکل دی جائیگی۔

پروگرام کا آغاز معوّذ ابن مختار فخرو کی تلاوت کلام سے ہوا۔ جناب مظفر شیخ سرلگی نے   جلسہ کے اغراض و مقاصد بیان کرتے ہوئے کہا کہ شراوتی بیلٹ  پر 32سے زائد  چھوٹی چھوٹی مسلم بستیاں آباد ہیں، انہوں نے بتایا کہ ان علاقوں میں   رمضان و عیدین  یا  شعبان کے چاند کا   خاص  مسئلہ درپیش   رہتا ہے جو اتحاد ملت پر  کاری ضرب کے مترادف ہے۔

 نشست میں مختلف علاقہ سے آئے ہوئے ذمہ داران نے  اس مسئلہ کے حل پر  اپنی اپنی طرف سے تاثرات پیش کئے  اور  کئی ایک نے اکابر علماء سے سوالات بھی کئے۔بھٹکل سے تشریف فرما قاضیان بھٹکل، بالخصوص  مولانا  خواجہ معین الدین اکرمی مدنی   نے بڑ ے صبر وتحمل وبربادی کے ساتھ    نہایت ہی سلجھے ہوئے انداز میں تمام باتوں کی وضاحت  فرمائی اور مولانا عبدالرب ندوی  نیز منکی سے تشریف فرما  مولانا  شکیل احمد  ندوی نے  اپنے علم و تجربات کی روشنی میں قائدین قوم سمیت عوام الناس کی غلط فہمیاں  دور کر کے انہیں اعتماد میں لینے کی  پوری کوشش کی..

بھٹکل  کے علماء کرام نے بھٹکل میں چاند دیکھے جانے کے تعلق سے  تفصیلات فراہم کرتے ہوئے بتایا کہ سنی سنائی باتوں پر چاند دیکھے جانے کے اعلانات نہیں کئے جاتے بلکہ پوری تحقیق اور شرعی قوانین کی پاسداری  نیز تمام اُمور پر غور کرنے کے بعد اعلانات ہوتے ہیں۔ قاضی صاحبان نے احادیث مبارکہ کی روشنی میں تمام اُمور پر روشنی ڈالتے ہوئے خطہ کے عمائدین سمیت عوام الناس کو مطمئن کرنے کی پوری کوشش کی اور اتحاد ملت پر خطاب کیا۔

نشست میں  رویت ھلال خاص طور سے رمضان و عیدین کو  ایک ہی دن طئے کرنے اور منانے  کے لئے ایک ھلال کمیٹی کی ضرورت پرسبھی لوگ متفق  نظر آئے، جس پر کاروائی کرتے ہوئے  فوری طور پر ایک عبوری کمیٹی  تشکیل دی گئی۔

ایک نظر اس پر بھی

محکمہ جنگلات کی جانب سے ہونے والی ہراسانیوں کے خلاف 23فروری کو سرسی میں ہوگا سی سی ایف دفتر کا محاصرہ

جنگلاتی زمین پر رہائش پزیر افراد کے لئے حقوق فراہم کرنے والے قوانین کی خلاف ورزی کرنے اور بار بار جنگلاتی زمین پر مکانات یا باغاغبانی کرکے زندگی گزارنے والوں پر محکمہ جنگلات کے افسران کی ہراسانی کے خلاف 23فروری کو سرسی میں واقع چیف کنزرویٹر آف فاریسٹ (سی سی ایف) دفتر کا محاصرہ ...

منگلورو سٹی مال کے فوڈ شاپ میں معمولی آتشزدگی؛ فوری طور پر پایا گیا آگ پر قابو؛ معمولی نقصان

منگلورو سٹی مال کی ایک فوڈ شاپ میں آگ لگنے پر تھوڑی دیر کے لئے افراتفری کا ماحول پیدا ہوگیا۔ مگرپانڈیشور علاقے سے فائر بریگیڈ کے افسران نے موقع پر پہنچ کر جلد ہی آگ پر قابو پالیا ۔

مینگلور اور اُڈپی میں پولس افسران کے تبادلے؛ نیشا جیمس اب اُڈپی کی نئی ایس پی اور سندیپ پاٹل مینگلور کے نئے پولس کمشنر

پارلیمانی انتخابات کو لے کر ریاستی حکومت کی جانب سے بڑے پیمانے پر اعلیٰ آفسران کے تبادلے جاری ہیں، اسی مناسبت سے اب اُڈپی اور مینگلور میں اعلیٰ آفسران کے تبادلے کئے گئے ہیں۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔