باکسر وجیندر کو فتح پر وریندر سہواگ، امیتابھ بچن سمیت کئی شخصیات نے اپنے انداز میں دی مبارکباد
ممبئی،6اگست(آئی این ایس انڈیا): سابق ہندوستانی کرکٹر وریندر سہواگ سے لے کر اداکار امیتابھ بچن نے ڈبل ڈبلیوبیو ایشیا پیسیفک سپر مڈل اور ڈبلیوبی او اورینٹل سپر مڈل خطاب جیتنے کے لئے ہندوستانی باکسر وجیندر سنگھ کو مبارک باد دی ہے۔اولمپک گیمز کے کانسے کا تمغہ فاتح 31سال کے وجیندر نے کل رات ڈبل خطابی مقابلے میں چین کے ذوالفقار میمتلی کو شکست دی۔سہواگ نے اپنے ٹوئٹر ہینڈل پر لکھا کہ سخت مقابلہ رہا، لیکن باکسر وجیندر کو مبارکباد،آپ کا مقابلہ دیکھتے ہوئے ہکا نوڈلس کا لطف اٹھایا اور آپ نے چینی باکسر کو ہکا بکا کر دیا۔
ٹیم انڈیا میں سہواگ کے سابق ساتھی ہربھجن سنگھ نے بھی وجیندر کو مبارکباد دیتے ہوئے لکھا کہ میرے بھائی باکسروجیندر کو مبارکباد،شاباس شیرا۔و جیدر نے 10راؤنڈ کے میچ میں متفقہ فیصلے میں 96-93 95-94 95-94کی جیت کے ساتھ پیشہ ورانہ باکسنگ میں اپنا فاتحانہ مہم جاری رکھ۔
امیتابھ نے خوشی ظاہر کی کہ سخت مقابلے میں ہندوستانی باکسر نے جیت درج کی۔انہوں نے کہا کہ وجیندر نے چین کے مخالف کو شکست دے کر اپنا خطاب برقرار رکھا،سخت مقابلہ لیکن ہم جیتے،مبارک ہو۔یوگا گرو بابا رام دیو نے بھی وجیندر کو مبارکباد دیتے ہوئے لکھا کہ شاندار جیت کے لئے باکسروجیدر کو مبارکباد۔ممبئی میں چینی باکسر کو کراری شکست اور ڈوکلام میں بھی ایسا ہی ہوگا۔اداکار رندیپ ہڈا نے لکھا کہ یہ مقابلہ انداز کے مطابق محمد علی بمقابلہ ٹاسن کی طرح تھا،میرے بھائی باکسروجیدر نے کافی اچھا مقابلہ کیا.... اپنا خطاب برقرار رکھا۔اس دوران کرکٹر محمد کیف نے لکھا کہ ایک اور جیت کے لئے مبارک باد،باکسر وجیندر،ایسا لگتا ہے آپکے پروفیشنل باکسنگ کیریئر کی بہترین مکابنا رہا،بہترین۔