کاسرگوڈ: شکر کے تھیلوں میں ریت اسمگل کرنے کی کوشش۔ ریت سمیت ٹرک ضبط۔ ڈرائیور گرفتار

Source: S.O. News Service | By Shahid Mukhtesar | Published on 6th December 2017, 9:37 PM | ساحلی خبریں |

کاسرگوڈ،6؍دسمبر (ایس او نیوز) ریت کو ایک مقام سے دوسرے مقام پر منتقل کرنے کے لئے ریت مافیا بھی اسی طرح نت نئے طریقے ایجاد کرنے لگاہے جیسے کہ دبی سے سونا اسمگل کرنے والے انوکھے طریقے اختیار کرتے ہیں۔

موصولہ رپورٹ کے مطابق منگلورو سے کیرالہ کی طرف غیر قانونی طور پر ریت اسمگل کرنے کے لئے شکر کے تھیلے استعمال کرنے کا واقعہ تریکرپور نامی مقام پر سامنے آیا ہے۔ کہتے ہیں کہ چاندیرا پولیس اسٹیشن کا عملہ معمول کے مطابق گاڑیوں کی چیکنگ کررہا تھا۔ جب انہوں نے ایک منی ٹرک کو روکا اور اس کا معائنہ کیا تو اس کے اندر شکر بھرنے کے لئے استعمال ہونے والے سفید تھیلوں میں ریت لدی ہوئی دیکھ کر وہ چکرا گئے۔ اس کے بعد ضابطے کی کارروائی کرتے ہوئے پولیس نے ریت کے 154تھیلوں کے ساتھ ٹرک ضبط کیا۔ریت اسمگل کرنے کے الزام میں ڈرائیور کو بھی گرفتار کرلیا ہے۔ پتہ چلاہے کہ شکر کے تھیلوں کے شکل میں بھری ہوئی یہ ریت کیرالہ کے کنور شہر میں پہنچائی جانے والی تھی۔

ایک نظر اس پر بھی

ہوناور:پریش میستاکی پراسرار موت کے معاملے میں نیا خلاصہ۔ واردات سے پہلے بند کردیا گیا تھا سی سی کیمرہ !

ہوناور میں فرقہ وارانہ کشیدگی کے دوران پریش میستانامی نوجوان کی پراسرار موت کو سنگھ پریوار کی طرف سے فرقہ وارانہ قتل قرار دیا جارہا تھا۔لیکن سی بی آئی کی تحقیقات دوران اس معاملے نے اب ایک نیا رخ لے لیا ہے۔

بھٹکل میں تنظیم میڈیا ورکشاپ کا شاندار اختتامی اجلاس۔ میڈیا کی معتبر شخصیات اور علماء کا خطاب۔ ورکشاپ کے شرکاء کو انعامات اور اسناد کی تقسیم

صحافت کے پیشے میں دلچسپی رکھنے والوں کے لئے مجلس اصلاح وتنظیم کی میڈیا واچ کمیٹی کی نگرانی میں منعقد ہونے والے ہونے پانچ روزہ ورکشاپ کے اختتام پر ایک شاندار اختتامی اجلاس بندر روڈ سیکنڈ کراس پر واقع المدینہ ہال میں منعقد ہوا۔

بھٹکل میں گھر کی چھت سے گرنے والا بچہ علاج کارگر نہ ہونے سے ہلاک۔ڈاکٹر پر غفلت برتنے کا الزام۔ ڈاکٹر نے طلب کی معذرت

بھٹکل سرکاری اسپتال میں بدھ کو  عوام نے بچے کی ایک نعش لے کر ایک ڈاکٹر کا گھیراو کیا اور اُس پر غفلت  برتنے کا الزام عائد کرتے ہوئے  اُسے  آڑے ہاتھوں لیا۔ عوام کا الزام تھا کہ ڈاکٹر کی لاپرواہی سے اس بچے کی جان گئی ہے۔