بھٹکل 8/فروری (ایس او نیوز)  یہاں مسقط کالونی کے قریب ایک بائک جس پر دو نو عمر لڑکے سوار تھے، تیزرفتاری کے ساتھ ایک الیکٹرک کھمبے سے ٹکراگئی ، جس کے نتیجے میں بائک پر سوار  دونوں لڑکے شدید زخمی ہوگئے ہیں۔ زخمیوں کی شناخت  محمد عمران اور محمد ربی کی حیثیت سے کی گئی ہے جن کی عمر قریب 13 سال بتائی گئی ہے۔  حادثے میں محمد عمران کے سر پر شدید چوٹ لگی ہے، جسکی وجہ سے اُس کی حالت نازک بتائی گئی ہے، جبکہ محمد ربی کے پیروں کو چوٹ لگی ہے اور وہ بھی شدید زخمی ہوا ہے۔

حادثہ رات قریب نو بجے پیش آیا، دونوں کو فوری طور پر بھٹکل سرکاری اسپتال لے جایا گیا، جہاں سے طبی امداد کے بعد مینگلور لے جایا گیا ہے۔