پتور:دو موٹر بائکس کی ٹکر۔ 1طالب علم ہلاک 3زخمی
پتور 2؍دسمبر (ایس او نیوز) سبرامنیا روڈ پر پیش آنے والے موٹر بائک حادثے میں ایک طالب علم کی موت واقع ہوگئی اور دیگر 3افرادزخمی ہونے کی اطلاع ہے۔
موصولہ رپورٹ کے مطابق اس المناک حادثے میں موت کا شکار ہونے والا نوجوان محمدانس ہے، جو کہ پی یو کامرس کے سال اول میں زیر تعلیم تھا۔ گھر میں کوئی خاص تقریب رہنے کی وجہ سے وہ کیمرہ لینے کے لئے پتور گیا ہوا تھا۔ واپسی کے وقت اس کی بائک ایک دوسری بائک کے ساتھ ٹکراگئی جس میں انس کی موت واقع ہوئی جبکہ اس کے دوسرے ساتھی طالب علم عبدالآصف کو زخمی حالت میں منگلورو کے اسپتال میں داخل کیا گیا ہے۔ اسی طرح دوسری بائک کے دونوں سوار وشواناتھ اور اشوک کو بھی زخموں کے علاج کے لئے پتور آدرش اسپتال میں داخل کیاگیا ہے۔
