ممبئی،22؍جنوری (ایس او نیوز؍آئی این ایس انڈیا)بین الاقوامی تیل مارکیٹ میں خام تیل کی قیمتوں میں کمی کے باوجود ہندوستان میں پٹرول اور ڈیزل کی قیمتوں اضافہ ہی ہوتاجارہا ہے۔ملک کے کچھ حصوں میں،جہاں ڈیزل 67روپے سے پارکر گیا ہے۔وہیں ممبئی میں ایک بارپھرپیٹرول80روپے سے زائد ہوگیا۔ماہرین کا خیال ہے کہ اگر حکومت کارروائی نہیں کرتی تو پھر ممبئی میں 90روپے فی لیٹر کی قیمت مل سکتی ہے۔پیرکو ممبئی میں ایک لیٹر پٹرول 80.10روپے تک پہنچ گیا۔یہ پہلی بار ہے کہ ممبئی میں پیٹرول80روپے تک پہنچ گیا ہے، یہاں تک کہ ڈیزل کے لئے، یہاں لوگ 67.10روپئے ادا کر رہے ہیں، اگر آپ دارالحکومت دہلی کے بارے میں بات کرتے ہیں تو ڈیزل کی قیمت نئے ریکارڈ بنارہی ہے۔دارالحکومت دہلی میں ایک لیٹر پٹرول کی قیمت 72.23پیسے ہے، ڈیزل 63.01فی لیٹر ہے۔ ممبئی اور دہلی کے علاوہ اتر پردیش کی راجدھانی لکھنؤ میں پٹرول 73روپے 94پیسے فی لیٹر ہے، وہیں ڈیزل 63روپے 46پیسے فی لیٹر ہے۔پٹنہ میں پٹرول76روپے55 پیسے فی لیٹرہے، جبکہ ڈیزل 66روپے 76پیسے فی لیٹر ہے۔اس کے علاوہ مدھیہ پردیش کے دارالحکومت بھوپال میں جہاں پٹرول 77روپے 23پیسے فی لیٹر ہے،وہیں ڈیزل 65روپے 89پیسے فی لیٹر ہے۔راجستھان جے پور میں پٹرول75روپے 18پیسے فی لیٹر ہے،وہیں ڈیزل کے لئے لوگوں کو67 روپے 49پیسے ادا کرنے پڑرہے ہیں۔اس کے علاوہ چنڈی گڑھ میں پٹرول کی قیمت 69روپے 47پیسے جبکہ ڈیزل 61روپے فی لیٹر ہے۔گجرات میں پیٹرول کی قیمت 71روپے83پیسے ہے جبکہ ڈیزل کے لئے لوگوں کو 67روپے 83پیسے فی لیٹر میں ادا کر ناپڑرہاہے۔اس درمیان حکومت نے کہا ہے کہ وہ مسلسل پٹرول اور ڈیزل کو جی ایس ٹی کے دائرے میں لانے کی کوشش میں لگی ہوئی ہے۔پٹرولیم کے وزیر دھرمندر پردھان نے کہا ہے کہ حکومت پٹرول ۔ ڈیزل اور مٹی تیل کوجی ایس ٹی کے دائرے میں لانے کی کوشش میں مسلسل مصروف ہے،اس کے لئے کوششیں کی جا رہی ہیں۔رپورٹ کے مطابق انہوں نے امید ظاہر کی کہ جی ایس ایس کونسل اس پر جلد ہی فیصلہ کر سکتا ہے۔پٹرول اور ڈیزل کی بڑھتی ہوئی قیمتوں کے بارے میں انہوں نے کہا کہ خام تیل کی قیمتیں مسلسل بین الاقوامی سطح پر بڑھ رہی ہیں۔دوسری طرف ریاستوں سے VATکی وصولی کی وجہ سے قیمتوں میں مسلسل اضافہ ہورہاہے۔اگر پیٹرولی اور ڈیزل جی ایس ٹی کے تحت لایا جاتا ہے، تو ان دونوں کی قیمت 50روپے سے کم ہوسکتی ہے۔