پاکستانی بلے بازاحمد شہزاد ڈوپ ٹیسٹ میں فیل

Source: S.O. News Service | By Shahid Mukhtesar | Published on 21st June 2018, 10:30 PM | اسپورٹس |

نئی دہلی21جون(ایس او نیوز؍آئی این ایس انڈیا) متنازعہ پاکستانی اوپنر احمد شہزاد ڈوپ ٹیسٹ میں فیل ہو گئے ہیں جس کے بعد ان پر تین ماہ کی پابندی لگ سکتی ہے ۔اگرچہ پاکستانی کرکٹ بورڈ (پی سی بی) نے سرکاری طور پر شہزاد کے نام کا انکشاف نہیں کیاہے ۔شہزاد کو پہلے بھی ان کے رویے کی وجہ سے سلیکٹرز نے ٹیم میں کئی بار نظر انداز کیا ہے لیکن میڈیا رپورٹ کے مطابق شہزاد کے ڈوپ ٹیسٹ میں فیل ہونے کی خبر ہے ۔پاکستان کے جیو نیوز کے مطابق بلے باز کا پاکستان کپ کے دوران ڈوپ ٹیسٹ ہوا تھا۔19 اپریل سے یکم مئی تک چلے پانچ ٹیموں کے ون ڈے ٹورنامنٹ کے دوران شہزاد کا نمونہ لیا گیا تھا۔ذرائع کے مطابق احمد شہزاد کا ڈومیسٹک سیزن کے دوران ڈوپ ٹیسٹ لیا گیا تھا ،پاکستانی کرکٹ کے پاس دوسرا سیمپل ٹیسٹ کرانے کا آپشن موجود ہے ۔پاکستان کرکٹ ٹیم کے اوپنر احمد شہزاد کا ستارہ گردش میں ہے ، ٹیسٹ اور ون ڈے ٹیم سے ڈراپ ہونے کے بعد اب وہ پاکستان کی ٹی ٹوئنٹی کرکٹ ٹیم کے رکن ہیں لیکن خراب کارکردگی کی وجہ سے ان کا ٹیم میں جگہ برقرار رکھنا مشکل دکھائی دے رہا ہے ۔پاکستان کرکٹ بورڈ کے ذمہ دار ذرائع کا کہنا ہے کہ احمد شہزاد کا ڈوپ ٹیسٹ مثبت آگیا ہے جس کی وجہ سے ان پر پابندی کی تلوار لٹکنے لگی ہے ۔پاکستان کی سلیکشن کمیٹی اور ہیڈ کوچ مکی آرتھر کے درمیان ملاقات ہوئی جس میں پاکستان کرکٹ بورڈ حکام نے اس بات کا انکشاف کیا کہ احمد شہزاد پر ممنوعہ قوت بخش ادویات استعمال کرنے کا الزام ثابت ہوگیا ہے اور ڈوپ ٹیسٹ مثبت آنے کے بعد احمد شہزاد کی زمبابوے کے خلاف ٹی ٹوئنٹی سیریز میں شرکت پر غور نہیں کیا جائے گا۔احمد شہزاد کی جگہ محمد حفیظ اور شان مسعود پاکستانی ٹیم میں شمولیت کے لئے مضبوط امیدوار ہیں۔ذرائع کا کہنا ہے کہ احمد شہزاد کے بارے میں کارروائی کا تعین ورلڈ اینٹی ڈوپنگ ایجنسی کرے گی۔ احمد شہزاد نے گزشتہ ہفتے اسکاٹ لینڈ کے خلاف دو ٹی ٹوئنٹی انٹرنیشنل میں 14اور24رنز بنائے تھے ۔چھبیس سالہ احمد شہزاد پاکستان کے پہلے کھلاڑی نہیں ہیں جن کا ڈوپ ٹیسٹ مثبت آیا ہے ، ان سے قبل شعیب اختر، محمد آصف، عبدالرحمٰن، رضا حسن اور کئی کرکٹرز کو ڈوپ ٹیسٹ مثبت آنے کے بعد پابندی کا سامنا کرنا پڑا ہے ۔احمد شہزاد پاکستان کی جانب سے 13 ٹیسٹ، 81 ون ڈے انٹرنیشنل اور 57 ٹی ٹوئنٹی انٹرنیشنل میچ کھیل چکے ہیں، وہ پاکستان کی جانب سے تینوں فارمیٹس میں سنچریاں بنانے والے واحد بلے باز ہیں۔پاکستانی کرکٹ ٹیم کے ہیڈ کوچ مکی آرتھر لاہور پہنچ چکے ہیں اور انہوں نے پی سی بی میڈیکل پینل، قومی سلیکشن کمیٹی سے کھلاڑیوں کی فٹنس کے بارے میں رپورٹ لی ہے ۔ذرائع کا کہنا ہے کہ یاسر شاہ، عماد وسیم اور رومان رئیس کی فٹنس کو جانچنے کے لیے انہیں لاہور طلب کیا گیا ہے جہاں پاکستان کرکٹ بورڈ کے ٹرینرز اور فزیو کی موجودگی میں ان کی فٹنس کا جائزہ لیا جائے گا۔بابراعظم کی زمبابوے کی ٹی ٹوئنٹی سیریز میں شرکت مشکوک ہے جبکہ و ہ ون ڈے میچوں تک فٹ ہوجائیں گے ۔

ایک نظر اس پر بھی

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...