ٹیسٹ سیریز جیتنے کے لئے دوسرے بلے بازوں کوبھی کوہلی کا ساتھ دینا ہوگا: گلکرسٹ

Source: S.O. News Service | By Shahid Mukhtesar | Published on 27th November 2018, 11:51 AM | اسپورٹس |

سڈنی ،27؍ نومبر (ایس او نیوز؍آئی این ایس انڈیا) ایڈم گلکرسٹ کا ماننا ہے کہ وراٹ کوہلی 2014-15ٹیسٹ سیریز کی کارکردگی کو دہرانے میں کامیاب رہیں گے لیکن انہوں نے کہا کہ اگر ہندوستان کو بارڈر۔گواسکر ٹرافی جیتنی ہے تو دیگر بلے بازوں کو اپنے کرشمائی کپتان کا ساتھ دینا ہوگا۔پہلا ٹیسٹ ایڈیلیڈ میں چھ دسمبر سے شروع ہو جائے گا اور کوہلی نے پچھلی بار اس میدان پر کھیلتے ہوئے دونوں اننگز میں سنچری لگائی تھی۔ گلکرسٹ نے کہاکہ مجھے امید ہے کہ وراٹ کوہلی 2014 (چار ٹیسٹ میں 86 ۔50 کے اوسط سے 694 رن) کی طرح ایک بار پھر شاندار کارکردگی کرے گا۔گزشتہ چند دنوں میں میں نے اس کے ساتھ بات کی ہے، اس کا اعتماد دیکھا ہے اور سڈنی میں اس نے جس طرح بلے بازی کی اسے دیکھتے ہوئے اگر وہ ایسا نہیں کر پاتا ہے تو مجھے انتہائی حیرت ہوگی۔ انہوں نے کہاکہ ہندوستان کے اس سیریز جیتنے کے لئے اس کے ساتھ کھیلنے والے بلے باز اہم ہوں گے۔کیا وہ اس کا ساتھ دے سکیں گے تاکہ ہندوستان زیادہ رن بنا سکے اور اس کے اچھے بولنگ حملے کو رنز کا دفاع کرنے اور آسٹریلیا کو ٹیسٹ میں دو بار آؤٹ کر پائیں۔یہ پوچھنے پر کہ کیا آسٹریلیا کی کوہلی کو روکنے کے لئے کوئی خاص حکمت عملی ہے، گلکرسٹ نے کہاکہ مجھے نہیں لگتا کہ میں کسی منصوبہ بندی کے بارے میں بتا پاؤں گا کیونکہ مجھے نہیں پتہ۔بہترین یہ ہے کہ آسٹریلیا صبر رکھے۔انہیں اچھی روایتی ٹیسٹ کرکٹ کھیلنی ہوگی۔ان کی امید یہی ہوگی کہ ہندوستان کو ابتدائی جھٹکے دیں اور کوہلی کو نئی گیند سے بولنگ کریں۔ گلکرسٹ نے تسلیم کیا کہ ہندوستان دعویدار کے طور پر دعوی پیش کرے گا لیکن ساتھ ہی کہا کہ آسٹریلیا کو اپنے حالات میں دبدبہ بنانے میں زیادہ وقت نہیں لگے گا۔

ایک نظر اس پر بھی

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...

عالمی کپ فائنل: کون رقم کرے گا تاریخ، نیوزی لینڈ یا انگلینڈ!

قریب ڈیڑھ ماہ کی مہم جوئی کے بعد اب آئی سی سی ورلڈ کپ کا اختتام ہونے جا رہا ہے اور لندن کے لارڈز کے میدان پر نیوزی لینڈ اور میزبان انگلینڈ کے درمیان اتوار کو ہونے والے فائنل میں جیت کسی بھی ٹیم کی ہو 'تاریخ 'بننا طے ہے۔

انگلینڈ 27 سال بعد ورلڈکپ کے فائنل میں پہنچ گیا،دفاعی چیمپئن آسٹریلیا کو انگلینڈ کے ہاتھوں دوسرے سیمی فائنل میں 8 وکٹوں سے شکست

تاریخ بدلنے کو تیار، انگلینڈ آسٹریلیا کو شکست دے کر فائنل میں پہنچ گیا، دفاعی چیمپئن کو انگلینڈ کے ہاتھوں دوسرے سیمی فائنل میں 8 وکٹوں سے شکست۔