بھٹکل موسیٰ نگر میں مسجد خدیجۃ الکبری کے تحت لڑکیوں کے لیے شبینہ مکتب کا افتتاح

Source: S.O. News Service | By Staff Correspondent | Published on 12th October 2018, 12:06 AM | ساحلی خبریں |

بھٹکل11 اکتوبر ﴿ایس او نیوز﴾موسی نگر میں واقع مسجد خدیجۃ الکبری میں لڑکیوں کے لیے ایک شبینہ مکتب کا افتتاح قاضی شہر مولانا محمد اقبال مُلا ندوی   کے ہاتھوں ہوا’ جس میں مہتمم جامعہ مولانا مقبول احمد کوبٹے ندوی ،  جامعہ اسلامیہ کے استاذ تفسیر مولانا الیاس جاکٹی ندوی اور مولانا انصار خطیب  مدنی صاحب نے شرکت کی ۔ مو لانا عمران  اکرمی ندوی نے مہما نوں کا تعارف کرتے ہوئے کہا کہ آج کل شبینہ مکاتب کی طرف ہمارا رجحان بہت کم ہے اور اس کا وقت دنیوی تعلیم کے لیے صرف کیا جارہا ہے مگر قرآن کے لیے ہم  وقت نہیں دیتے ۔

صدر جلسہ قاضی شہر مولانا محمد  اقبال مُلا   ندوی نے فرمایا کہ ہندوستا میں ازادی سے قبل مسلمانوں کے علاوہ غیروں میں بھی عربی فارسی سیکھنے کا رواج تھا’ ہندوستان کا پہلا صدر راجیندر پرساد بہت بڑے فارسی اور عربی کے عالم تھے مگر وہ بڑے مذہبی تھے ان کی ماں سے انہوں نے یہ اثر لیا تھا لہذا اگر ماں صحیح راستے پر قایم رہے گی تو اسی کا اثر بچہ پر بھی پڑے گا۔مولانا انصار صاحب ندوی مدنی نے اپنے خطاب میں فرمایا کہ اسلامی جینیس شخصیات میں سر فہرست نام حضرت خدیجہ کا ہے اور نبی کریمﷺ کو رسالت ملنے سے پہیلے اس عورت نے بہت ساتھ دیا اور پہیلی وحی کے بعد ڈھارس دینے والی عورت یہی تھی اس عورت نے اسلام کے لیے بہت سے کارنامہ انجام دیے ہیں اور نام کی بہت تاثیر ہوتی ہے اور یہ مدرسہ بھی اسی ہستی کی نام پر ہے ہمیں امید ہے کہ یہاں پڑھنے والی بچیوں میں  اور یہاں کے معاشرے میں دین کا ماحول اور اسکی فضا پیدا ہوگی مولانا نے مزید کہا کہ ماں کی گود پہیلا مدرسہ ہوتا ہے آج کی ایجادات نے بچوں پر سے ماں کی توجہ ہٹا دی ہے اس کے فواید سے انکار نہیں مگر یہ چیز حد سے تجاوز کر چکی ہے ۔

مو لانا الیاس صاحب نے اپنے بیان میں کہا کہ ابھی چند مدت قبل جب حضرت مولانا رابع حسنی ندوی صاحب  بھٹکل تشریف لایے تھے  تو اس سوال پر کہ  آج ہندوستان میں شریعت کے خلا ف جو سازشیں ہو رہی ہے اس کے لئے مسلمانوں کو کیا کرنا چاہئے،  مولانا نے کہا تھا کہ  مکاتب کو اور خاص کر شبینہ مکاتب کی طرف بچوں کا رجحان بڑھانا چاہئے۔  ہندوستان کی عدالتوں میں  شریعت اور پرسنل لا کے  مقدمات چلنے کے تعلق سے مولانا الیاس ندوی نے بتایا کہ   وہ تمام معاملات  اپنے ہی لوگوں کے داخل کردہ  ہیں اور لوگ  مذہبی اعتبار سے پابند ہونے کے باوجود یہ کام اسلئے  کر رہے ہیں کہ ان کی بنیاد صحیح نہیں  پڑی ہے۔  آخر میں مولانا مقبول صاحب نے کہا ایمان کی بقا کیلے چھوٹے بڑے ہر لوگوں کے مکاتب بہت معنی رکھتا ہے ۔ صدر جلسہ کی دعا سے جلسہ اختتام پر پہونچا۔ جلسہ میں مسجد کی انتظامیہ سمیت نو متخب صدر بھی موجود تھے۔

ایک نظر اس پر بھی

اسپتال قائم کرنا میری ذمہ داری نہیں ہے: کاروار میں ایم پی اننت کمار ہیگڈے کا تکبرانہ بیان

ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ الٹے سوشیل ...

اڈپی کے موٹر بائک شوروم میں بھیانک آتشزدگی۔ فائربریگیڈ کی بروقت کارروائی سے ٹل گیا سنگین حادثہ

یہاں اندرالی ریلوے پل سے قریب واقع ہیرو ہونڈا موٹربائک کے جئے دیوا شو روم میں اتوار کی شب میں بھیانک آتشزدگی کا واقعہ پیش آیا۔ چونکہ اس شوروم سے متصل پٹرول بنک موجود ہے اس لئے حادثہ سنگین رخ اختیار کرنے کے امکانات پیدا ہوگئے تھے، لیکن فائر بریگیڈ عملے کی بروقت کارروائی کی وجہ ...

منگلورو میں ڈینگی بخار کے 40مشتبہ مریض اسپتال میں داخل۔ریاستی سطح پر% 70ملیریا کے معاملات منگلورو میں درج ہوئے

گزشتہ تین ہفتوں کے دوران منگلورو کے گجّر کیرے نامی علاقے میں ڈینگی بخار کے 40مشتبہ مریض اسپتال میں داخل کیے گئے ہیں تفتیش کے بعد ان میں سے ایک معاملے میں ڈینگی بخار کی تصدیق ہوگئی ہے۔

منگلورو ایئر پورٹ پر 20.67لاکھ روپے مالیت کا سونا ضبط

منگلورو انٹرنیشنل ایئر پورٹ پر سونا اسمگلنگ کرنے کی کوشش کو ناکام بناتے ہوئے کسٹم کے افسران نے ایک مسافر کے قبضے سے 24کیریٹ کا608  گرام سونا ضبط کرلیا جو مسافر نے پیسٹ کی شکل میں اپنے مقعد میں چھپاکر رکھا تھا۔

کاروار میں شراب کے نشے میں دُھت کار چلانے کے دوران چار سواریوں کو ٹکر دینے کے بعد عوام نے نیوی اہلکار کی لی خوب خبر

نیوی اہلکار کو کاروار میں  اُس وقت عوام  کے ہاتھوں بری طرح    پٹنا پڑا جب  شراب کے نشے میں ڈرائیونگ کرنے کے دوران اس کی کار  یکے بعد دیگرے چار کاروں سے ٹکرا گئی۔ واردات  کاروار کے بِنگا میں کدمبا نیوی کے گیٹ کے قریب سنیچر شب کو  پیش آیا۔