یلاپور میں بجلی گرنے سے ایک شخص کی موت
بھٹکل 12/اپریل (ایس او نیوز) ضلع اُترکنڑا کے یلاپور میں آج شام بجلی گرنے سے ایک شخص کی موت واقع ہوگئی جس کی شناخت جانو توروت کی حیثیت سے کی گئی ہے وہ جوگی کوپّا کا رہنے والا تھا۔ حادثہ جمعرات کی شام یلاپور کے مدنور دیہات میں پیش آیا۔
شدت کی گرمی کے بعد جمعرات شام کو اچانک گرجدار آوازوں کے ساتھ یہاں بجلیاں کوندنے لگی تھی ایسے میں ایک زبردست بجلی ایسی گری کہ جانو اُس کی زد میں آگیا اور وہ وہیں ہلاک ہوگیا۔
یلاپور پولس نے جائے وقوع پر پہنچ کر جائزہ لیا ہے۔