نئی دہلی ،12؍مئی (ایس او نیوز؍ آئی این ایس انڈیا ) انگلینڈ کے ساتھ ہونے والی ون ڈے سیریز کے لئے کرکٹ آسٹریلیا نے ٹم پین کو عارضی کپتان بنایا ہے۔جبکہ ونڈے ٹیم کا نائب کپتان آرون فنچ کو بنایاہے، وہیں انہیں ٹی -20کا کپتان بھی بنایا گیا ہے۔اوپنر فنچ نے کہاکہ اصل میں میں نے ابھی تک اس کے بارے میں کچھ نہیں سوچا ہے۔آسٹریلوی کرکٹ کی حیثیت کے بارے میں ابھی کوئی اندازہ نہیں لگا سکتا ہے۔ ایک سینئر ہونے کے ناطے ٹیم کو سب سے اونچے مقام تک لے جانے میں مجھ سے جتنا ہو سکے گا میں اپنا اہم کردار ادا کروں گا۔ بین الاقوامی سطح پر نوجوان کھلاڑیوں کے کھیل کو نکھارنا میرا فرض ہیں۔تمام سینئر کھلاڑیوں کو یہ کام کرنا ہوتا ہے۔آپ کو بتا دیں کہ بال ٹیمپرنگ معاملے میں سابق کپتان اسٹیو سمتھ اور ڈیوڈ وارنر پر ایک ایک سال کی پابندی لگنے کے بعد سلیکٹرز کو نیا کپتان تلاش کرنے کے لئے پابند ہونا پڑا تھا اور پہلے ہی ٹی -20 میں ٹیم کی کمان سنبھال رہے فنچ اس کے مضبوط دعویدار تھے۔