منڈگوڈ: قاتل ملزم کی گرفتاری :لین دین اور ناجائزتعلقات کی بناپر ہواتھا قتل
منڈگوڈ:6/ اکتوبر (ایس اؤنیوز) 12دن پہلے تعلقہ کے لکولی روڈ کنارےنوجوان قتل معاملے کو سلجھاتے ہوئے پولس نے شیگاؤں تعلقہ اندلگی دیہات کے ایل ایل بی کے طالب علم مونیشور بسونتپا وڈر(26)کو گرفتارکیا ہے۔
25ستمبر کو کرگن کوپہ کے سندیپ وڈر نامی نوجوان کی نعش سڑک کنارے کی نالی میں پائی گئی تھی۔ معاشی لین دین اور ناجائز تعلقات کی بنا پر قتل ہونے کی پولس ذرائع نے خبر دی ہے۔پولس پوچھ تاچھ کے دوران ملی جانکاری کے مطابق قاتل مونیشور اور مقتول سندیپ آپسی رشتہ دارہیں،سندیپ کو روزگار کا بھروسہ دے کرقاتل ملزم مونیشور نے 18ہزار روپئے لئے تھےاور گاؤں کی ایک عورت کے ساتھ ناجائز تعلقات ہونے کی سندیپ کوجانکاری تھی۔ ان دونوں وجوہات کو لےکر قاتل نے سندیپ کے قتل کا منصوبہ بنایاہے۔ پارٹی منانےکے بہانے سندیپ کو بار میں شراب میں کپاس فصل پر چھڑکاؤ کرنےو الا تیل، زہر اور دوائیاں گھول کر پلایا ہے۔ سندیپ اس کو پینےکے بعد تڑپنےلگاتو قاتل نے گلا دباکر ، لکڑی سے سر پر حملہ کرکے قتل کرنےکی جانکاری سی پی آئی کرن کمار نایک نے دی۔ پی ایس آئی لکپا نائک، اے ایس آئی اشوک راتھوڈ، عملہ شیوراج چوہان، جعفر، انورخان ٹیم میں شامل تھے۔
