مینگلور 9/ اپریل  (ایس او نیوز) یہاں سے قریب 50 کلو میٹر موڈبیدری پولس تھانہ حدود کے نیلّی کیری میں پیش آئی دو کاروں کی ٹکر میں ایک کار پر سوار ماں اور بیٹا دونوں ہلاک ہوگئے جن کی شناخت تیرتاہلّی کے رہنے والے  رتنماّ (70)  اور سوم شیکھر(45)  کی حیثیت سے کی گئی ہے۔ یہ دونوں اومنی کار پر سوار تھے۔ حادثہ آج پیر صبح قریب نو بجے پیش آیا۔

حادثے میں اومنی پر سوار سات دیگر لوگ بھی شدید زخمی ہوئے ہیں جنہیں منی پال اسپتال لے جایا گیا ہے۔

بتایا گیا ہے کہ ماروتی اومنی پر جملہ نو لوگ تیرتاہلی سے دھرمستھلا جانے کے لئے نکلے تھے کہ نیلی کیری میں مخالف سمت سے آنے والی ایک تیزرفتار اینّوا کار سے ان کی ٹکر ہوگئی۔ ٹکر کی شدت کا اندازہ اسی سے لگایا جاسکتا ہے کہ دو لوگوں کی موقع پر ہی موت واقع ہوگئی جبکہ دونوں کاروں کے اگلے حصوں  کو شدید نقصان پہنچا ہے۔

حادثے کی اطلاع ملتے ہی موڈبدری پولس موقع پر پہنچی اور زخمیوں کو مقامی اسپتال پہنچانے کے بعد دونوں لاشوں کو  موڈبیدری سرکاری اسپتال کے مردہ خانہ میں منتقل کیا۔

پولس حادثے کی چھان بین کررہی ہے۔