بھٹکل:15؍نومبر (ایس او نیوز)14نومبر بھارت کے پہلے وزیرا عظم جواہر لال نہرو کے یوم پیدائش کی مناسبت سے تربیت ایجوکیشن سوسائٹی کی نیو شمس مونٹسری اسکول میں معصوم اور چھوٹے چھوٹے بچے چاچا نہرو کی ٹوپی اور لباس میں ملبوس ہوتے ہوئے انوکھے انداز میں پروگرام منایا۔

14نومبر کو بچوں کا تہوار مناتے ہوئے اسکول کی جانب سے 7سے لے کر 10ویں جماعت کے طلبا کے لئے مختلف پروگرام منعقد کئے گئے تھے۔ جس میں خاص کر طلبا کی طرف سے گھر میں تیار کردہ ہیانڈ کرافٹ، ڈرائنگ،ماڈلس کی نمائش کرتے ہوئے باقاعدہ بازار لگایاگیاتھا۔والدین و سرپرستوں نے اپنے ہی بچوں کے تیار کردہ اشیاء کی نمائش کا نظارہ کرتے ہوئے دعائیں دیں۔ اور ان چیزوں کو خرید کرطلبا کو تجارت میں ترقی دینے کی ترغیب دی۔

نمائش کا افتتاح کرتے ہوئے ادارے کے رابطہ عامہ آفیسر مولانا عزیز الرحمن رکن الدین ندوی نے بچوں کی طرف سے تیار کردہ ماڈلس اور سجائی گئی نمائش پر  دلی مسرت کا اظہارکرتے ہوئے غیر نصابی سرگرمیوں کی اہمیت بتائی ۔ سکریٹری محمد طلحہ سدی باپا نے بھی اس موقع پر اپنے خیالات کااظہار کیا۔ اس موقع پر اسکول کی پرنسپال فہمیدہ ملا، شمس انگریزی میڈیم کے صدرمدرس محمد رضامانوی ، اساتذہ مہیش نائک، عبدالسبحان ندوی ، عبداللہ خلیفہ ندوی ، منجوناتھ ہیبار، شازیر حسین وغیرہ موجود تھے۔