نئی دہلی،30جولائی(ایس اونیوز؍آئی این ایس انڈیا)سوشل میڈیا پر ٹرول ہونا کوئی نئی بات نہیں ہے،بہت سے کرکٹر ٹرو ل کا شکار ہو چکے ہیں۔سب سے تازہ معاملہ محمد کیف کا ہے۔بیٹے کی تصویرشیئر کرنے کے بعد ٹوئٹربازوں کے نشانے پر آئے محمد کیف نے ایسا کرنے والے کو کرارا جواب دیا ہے۔سابق کرکٹر نے ٹویٹ کیا، کیا ... ٹھیکیدارجی سے پوچھئے، سانس لینا حرام ہے یا نہیں ...حیرت انگیز ہے یار... اس کے بعد تو کیف کے حق میں ڈھیر سارے میسج آنے لگے،لوگ ان کے اس احمقانہ ٹوئٹ کی تعریف کرنے لگے،لوگوں نے ان کے جواب پر مبارکباد بھی دی۔

سابق کرکٹر محمد کیف نے شطرنج کھیلتے ہوئے اپنے بیٹے کی تصویر سوشل میڈیا پر شیئر کی تھی۔اس پر کچھ لوگوں نے ناراضگی ظاہر کی،ان میں سے کئی کا کہنا تھا کہ شطرنج کھیلنا اسلام میں حرام ہے،یہ کھیل اسلام کے خلاف ہے۔