محمد عامر ٹسٹ کرکٹ سے ریٹائرہوجائیں گے؟
اہور:10؍مئی (یو این آئی) پاکستان کے داغی تیز گیند باز محمد عامر اپنے یک روزہ اور ٹی۔20 کیریئر پر توجہ دینے کے لئے ٹسٹ کرکٹ سے ریٹائرمنٹ کا منصوبہ بنا رہے ہیں۔پاکستانی میڈیا کے مطابق اسپاٹ فکسنگ میں معطلی کا سامنا کرچکے عامر نے اس بارے میں ٹیم مینجمنٹ اور ٹیم کے ساتھیوں کے ساتھ بات کی تھی۔بارباڈوس میں ویسٹ انڈیز سے دوسرا ٹسٹ ہارنے کے بعد عامر نے ٹسٹ کرکٹ سے ریٹائرمنٹ کے بارے میں بات کی ہے۔ اگرچہ عامر اس خبر کے عام ہو جانے سے دکھی ہیں۔رپورٹ میں کہا گیا ہے’’ویسٹ انڈیز میں پاکستان کرکٹ بورڈ اور ٹیم مینجمنٹ اس بارے میں تحقیقات کر رہا ہے کہ ذاتی بات چیت کیسے لیک ہوگئی اور میڈیا میں آ گئی۔‘‘ عامر نے کہا کہ میں نے ٹیم مینجمنٹ کو واضح کردیا ہے کہ ٹسٹ کرکٹ کھیلنے میں زیادہ جسمانی طاقت کی ضرورت ہوتی ہے اور وہ اب صرف یک روزہ اورٹونٹی کیریئر پر ہی توجہ دینا چاہتے ہیں۔ ویسٹ انڈیز کے دورے میں عامر نے 2؍ٹسٹ میچوں میں11؍وکٹ حاصل کئے ہیں۔اسپاٹ فکسنگ کیلئے 5؍سال کی معطلی کا سامنا کرنے کے بعد عامر نے 2015ء کے آغاز سے ہی کرکٹ میں واپسی کی تھی اور اس دوران انہوں نے15؍ٹسٹ کھیلے ہیں۔ لیکن انہیں ان میچوں میں خاص کامیابی حاصل نہیں ہوئی۔