معین علی کا شاندار مظاہرہ؛جنوبی افریقہ کی شکست انگلینڈ نے چار میچوں کی سیریز 3-1سے جیتی

Source: S.O. News Service | By Shahid Mukhtesar | Published on 10th August 2017, 1:26 PM | اسپورٹس |

لندن ،9/اگست (یو این آئی) معین علی کی شاندار بالنگ کے باعث انگلینڈ نے جنوبی افریقہ کو چوتھے ٹسٹ میچ میں 177رن سے شکست دے کر چار میچوں کی سیریز 1۔3سے اپنے نام کرلی۔اولڈ ٹریفورڈ میں یہ میچ کھیل کے چوتھے روز ہی ختم ہوگیا، جبکہ جوئے روٹ کی قیادت میں یہ پہلی سیریز ہے جو انگلینڈ نے اپنے نام کی۔جنوبی افریقہ کوآخری ٹسٹ میں جیت کے لیے 380رن کا ہدف ملا لیکن اس کی پوری ٹیم چوتھے روز چائے کے وقفے کے فوری بعد 202رن پر ڈھیر ہوگئی۔جنوبی افریقہ کی آخری دونوں وکٹیں معین علی نے دو گیندوں پر مورنے مورکل اور ڈیوئن اولیور کو آؤٹ کرکے حاصل کیں۔اس طرح معین علی نے میچ میں 69رن کے عوض 5جبکہ سیریز میں مجموعی طور پر 25 وکٹیں حاصل کیں۔انگلینڈ کی یہ 1998کے بعد جنوبی افریقہ کے خلاف ہوم ٹسٹ سیریز میں پہلی کامیابی ہے ۔ چوتھے روز کھانے کے وقفے تک جنوبی افریقہ کے 40رن پر 3کھلاڑی آؤٹ تھے اور ہاشم آملہ اور کپتان فاف ڈوپلیسی کریز پر موجود تھے ۔دونوں کھلاڑیوں نے 123رن کی شاندار شراکت قائم کی اور ٹیم کے اسکور کو 163پر پہنچایا لیکن پھر ہاشم آملہ 83رن بنا کر ایل بی ڈبلیو آؤٹ ہوگئے ۔یہ وہ موقع تھا جب جنوبی افریقہ کے ہاتھ سے میچ نکلنا شروع ہوا اور کوئی کھلاڑی زیادہ دیر تک کریز پر نہ رُک پایا۔جنوبی افریقہ کی پانچویں اور چھٹی وکٹ 173پر گری جب کوئنٹن ڈی کوک ایک اور تھونِس ڈی برون صفر پر پویلین لوٹے ۔183کے مجموعی اسکور پر فاف ڈوپلیسی بھی ہمت ہار گئے اور 61رن کی اننگز کھیل کر وکٹوں کے پیچھے کیچ آؤٹ ہوئے ۔کگیسو ربادا ایک جبکہ مورنے مورکل اور ڈیوئن اولیور بغیر رن بنائے آؤٹ ہوئے ۔شاندار پرفارمنس پر معین علی مین آف دی میچ اور مین آف دی سیریز کے حقدار قرار پائے ۔ 

ایک نظر اس پر بھی

ہندوستان نے مسلسل نویں سیریز جیتی، عالمی ریکارڈ کی برابری کی

سری لنکا نے دھننجے ڈيسلوا (119 ریٹائرڈ ہرٹ) کی ذمہ دارانہ اننگز کی بدولت ہندوستان کے خلاف دوسرا اور آخری کرکٹ ٹسٹ بدھ کو یہاں ڈرا کرا لیا جبکہ دنیا کی نمبر ایک ٹیم ہندوستان نے مسلسل نویں ٹسٹ سیریز جیتنے کے ساتھ عالمی ریکارڈ کی برابری کر لی۔

ایڈیلیڈ میں آسٹریلیا 120رنز سے فاتح، ایشز سیریز میں دو صفر کی برتری

دوسری اننگز میں جیت کے لیے انگلینڈ کو 354رنز کا ہدف درکار تھا تاہم جو روٹ کی ٹیم صرف 233رنز بنا کر آؤٹ ہوگئی۔ آسٹریلیا کی جانب سے مچل اسٹارک نے پانچ، ہیزل وڈ اور لیون نے دو دو جبکہ پال کمنگز نے ایک وکٹ حاصل کی۔

ہندوستان نے دوسرے ٹیسٹ میں سری لنکا کو ایک اننگ اور 239 رنوں سے شکست دی

اسپنروں اور تیز گیندبازوں کے شاندار کھیل کی بدولت ہندستان نے سری لنکا کی ٹیم کو دوسرے کرکٹ ٹیسٹ میچ کے چوتھے دن ہی لنچ سے تھوڑی دیر بعد 166 رن کے معمولی اسکور پر آؤٹ کرکے میچ ایک باری اور 239 رنوں سے جیت لیا

ہندوستان اور سری لنکا کے درمیان پہلا ٹیسٹ میچ ڈرا

ہندوستان اور سری لنکا کے درمیان تین ٹیسٹ میچوں کی سیریز کا پہلا ٹیسٹ بغیر کسی نتیجے کے اختتام پذیر ہوگیا، آخری روز سری لنکا کی ٹیم 231 رنز کے تعاقب میں سات وکٹوں کے نقصان پر 75 رنز بنا سکی اور کم روشنی کی وجہ سے میچ مقررہ وقت سے پہلے ختم کر دیا گیا جس کی بدولت سری لنکا یقینی شکست سے ...