مشیل اسٹارک کو آئی سی سی چمپئنز ٹرافی تک واپسی کا بھروسہ
سڈنی،22؍مارچ(ایس او نیوز؍آئی این ا یس انڈیا)آسٹریلوی ٹیم کے تیز گیند باز مشیل اسٹارک اس سال انگلینڈ میں ہونے والی آئی سی سی چیمپئنز ٹرافی میں واپسی کرنے کے لئے توجہ مرکوز کر رہے ہیں۔ہندوستان کے خلاف چل رہی موجودہ ٹیسٹ سیریز میں سٹارک زخمی ہو گئے تھے، جس کے بعد وہ اس سیریز سے باہر ہو گئے۔مشیل اسٹارک نے کہاکہ 18 ماہ پہلے بھی ان کو نیوزی لینڈ کے خلاف ایڈیلیڈ میں کھیلے گئے ڈے نائٹ ٹیسٹ کے بعد پاؤں میں فریکچر ہونے کی وجہ سے انہیں بین الاقوامی کرکٹ سے باہر ہونا پڑا تھا۔انہوں نے بتایاکہ یہ چوتھی بار ہے جب ایسا ہوا ہے، اس سے پہلے میں جیسے حالات سے تین بار گزر چکا ہوں، یہ فریکچر بے گھر نہیں ہے، تو مجھے بوٹ کی ضرورت نہیں ہے، لیکن انگلینڈ میں اس سال منعقد ہونے والی آئی سی سی چیمپئنز ٹرافی میں میں یقینی طور پر واپسی کے لئے اپنی توجہ مرکوز کر رہا ہوں۔
واضح رہے کہ آسٹریلیا کرکٹ ٹیم اس وقت ہندوستانی دورے پر ہے، جہاں دونوں ہی ٹیمیں سیریز میں 1۔1 سے برابری پر بنی ہوئی ہیں۔ہندوستان اور آسٹریلیا کے درمیان سیریز کا آخری اور چوتھا ٹیسٹ میچ 25 مارچ سے دھرم شالہ میں کھیلا جائے گا۔