ہلیال میں ضلع نگراں کاروزیر دیش پانڈے نےمحکمہ آب پاشی کے ترقی جات کاموں کا معائنہ کیا
ہلیال:10؍فروری (ایس او نیوز)اترکنڑا ضلع نگراں کار وزیر اور وزیر برائے تحصیل آر وی دیش پانڈے نے ہلیال کے مختلف مقامات کا دورہ کرتے ہوئے تالابوں میں پانی ذخیرہ اندوزی کرنےو الے محکمہ آب پاشی کے کاموں کا معائنہ کرتے ہوئے جائزہ لیا۔
اس موقع پر آب پاشی منصوبوں کے متعلق بتایا کہ کالی ندی سے پائپ لائن کے ذریعے تالابوں کو پانی سپلائی کرنےو الا اہم منصوبہ ہے، منصوبے کے ذریعے ہلیال تعلقہ کے اکثر دیہات کے تالاب پانی سے بھریں گے تو علاقے کے کسانوں کو کافی فائدہ دے گا ۔ انہوں نے موقع پر موجود کرناٹکا آب پاشی بورڈ کے انجنئیر ستیش نائک کو ہدایات دیتے ہوئے کہاکہ منصوبے کے لئے مقامی وسائل کا استعمال کرتے ہوئے اس اہم منصوبے کو جلد ازجلد مکمل کریں۔ چونکہ پائپوں کی تیاری بھی یہی ہورہی ہے جس کے نتیجے میں کام کی تکمیل میں دیری نہیں ہونی چاہئے ۔ اگلے 15مہینوں میں کا م پورا ہوکر تالابوں میں پانی جمع کرنے کا کام شروع ہو۔ ا س موقع پر وددھان پریشد کے رکن شریکانت گھوٹنیکر ، ضلع پنچایت نائب صدر سنتو ش رینکے ، معاون فاریسٹ آفیسر نتیش کمار، تحصیلدار ودیادھر،ہیسکام انجنئیر مٹگوڈ،تعلقہ پنچایت افسر ڈاکٹر مہیش کری موجود تھے۔