بھٹکل میں نئے ہارڈوئیر شوروم ’’میٹرو اسٹیل ‘‘ کا شاندار افتتاح
بھٹکل:10/ اکتوبر (ایس اؤنیوز)علمائے دین اور مقامی رکن اسمبلی منکال وئیدیا کی موجودگی میں ’’میٹرو اسٹیل ‘‘نامی ایک نئی ہارڈوئیر شوروم کا افتتاح عمل میں آیا ۔ میٹرو اسٹیل شوروم بھٹکل قومی شاہراہ سے متصل نزدرینبو فلورنگ پر واقع ہے۔
8اکتوبر کی شام منعقدہ افتتاحی تقریب میں مرکزی خلیفہ جماعت المسلمین بھٹکل کے چیف قاضی مولانا خواجہ معین الدین ندوی مدنی کی دعا سے شوروم کا افتتاح ہوا۔جب کہ مقامی رکن اسمبلی منکال وئیدیا نے موجود رہتے ہوئے نیک خواہشات کا اظہار کیا۔ اس موقع پر جماعت المسلمین بھٹکل کے جنرل سکریٹری مولانا طلحہ مدنی نے خطاب کرتے ہوئے کہاکہ اس سے قبل بھٹکل کے عوام اپنی تجارت کے لئے گلف کا رخ کیا کرتے تھے ، لیکن اب ہمارے لئے باعث مسرت ہے کہ بھٹکل کے لوگ خود اپنے شہر بھٹکل میں ہی تجارت کو فروغ دے رہے ہیں۔ مولانا نے کہاکہ تجارت حضرت نبی ﷺ کی سنت ہے اسی لئے تجارت کو شریعت کے مطابق انجام دینا چاہئے ۔ اس موقع پر شوروم کے مینجنگ ڈائرکٹر محمد ارشاد گنگاولی کو مبارکبادی پیش کی۔ افتتاحی تقریب کا آغاز مولانا شعور رکن الدین کی تلاوت قرآن سے ہوا۔ اس موقع پر کئی کانٹراکٹرس ، ذمہ دارسمیت عوام کی کثیر تعداد شریک تھی۔