منجو کماری نے جونیئر ورلڈ کشتی میں ہندوستان کو دلایا دوسرا میڈل
نئی دہلی،4/اگست(ایس او نیوز/آئی این ایس انڈیا)ہندوستان کی منجو کماری نے فن لینڈ کے تامپیرے میں چل رہی جونیئر ورلڈ کشتی چیمپئن شپ میں آج خواتین کے 59کلوگرام وزن کے زمرے میں کانسے کا تمغہ جیتا۔منجو کی اس کامیابی کے بعد ہندوستان کے مقابلہ میں دو تمغے ہو گئے ہیں۔مزے کی بات یہ ہے کہ یہ دونوں ہی تمغے کانسی کے طور پر ہے۔ مجو ر کے ذریعے میڈل کی دوڑ میں شامل ہوئی۔انہوں نے کانسے کے پلے آف مقابلے میں اکرین کی الونا پروکوپیونیک کو 2-0سے شکست دی۔ہندوستان کو اس سے پہلے بہادر دیو گلیا نے مردوں کے 74کلوگرام میں کانسے کا تمغہ دلایا تھا۔
منجو نے آج اپنے پہلے مقابلے میں بلغاریہ کی الیکسادرنا نکولیوا کاشنووا کو 5-1سے شکست دی لیکن وہ کوارٹر فائنل میں جاپان کی یجرو کمانو سے 0-10سے ہار گئیں۔جاپانی لڑکی اگرچہ فائنل میں پہنچ گئی جس سے منجو کو ریپچیج میں کھیلنے کا موقع مل گیا۔
ریپیچیج مقابلے میں منجو نے کینیڈا کے ٹیانا گریس کینیٹ کو 4-0سے شکست دے کر کانسے کا تمغہ پلے آف میں جگہ بنائی تھی۔ہندوستان کے دیگر پہلوان دویا تومر (44کلوگرام)، نندنی سلوکھے(51کلوگرام)اورپوجادیوی(67کلوگرام) میڈل کی دوڑ میں جگہ بنانے میں ناکام رہی۔