منگلورو:23/اپریل(ایس اؤنیوز)شہر کے نواحی علاقے کی بینگرے ندی کےکنارے مشتبہ حالت میں پائے گئی بینگرے سیانڈ پیٹ کے مکین جگدیش سورنا (37)کی نعش کا پوسٹ مارٹم کیا گیا ہے، پوسٹ مارٹم کی رپورٹ کے مطابق جگدیش کا قتل نہیں ہونا ثابت ہواہے۔
بجرنگ دل کارکن کہلائے جانےوالے جگدیش سورنا کی نعش مشتبہ حالت میں بینگرے ندی کنارے پائے جانے سے چہ میگوئیاں جاری تھیں اور عوامی سطح پر شبہ جتایا جارہاتھا کہ اس کا قتل کیا گیا ہوگا۔موصولہ اطلاعات کے مطابق جگدیش جمعرات کی رات بینگرے کے ایک گھر میں مہندی پروگرام میں شرکت کے بعد رات 3بجے اپنی کام کرنے والی بوٹ کی طرف لوٹا تھا،دوسرے دن بینگرے ندی کے کنارے اس کی نعش پائی گئی تھی۔ پولس نے شبہ جتایا ہے کہ ندی کنارے جاتے ہوئے پیر پھسل جانے سے ندی میں گرکر ہلاک ہوا ہوگا۔ پنمبور پولس پوسٹ مارٹم رپورٹ کے مطابق جانچ میں جٹی ہوئی ہے۔