انڈین اوورسیز بینک میں 55کروڑ روپوں کی دھوکہ دہی۔ منیجر سمیت 5ملزمین گرفتار
منگلورو29؍نومبر (ایس او نیوز)کچھ دن پہلے انڈین اوورسیز بینک کی کولائی شاخ میں سرکاری محکمہ کرناٹکا رورل انفرااسٹرکچر لمیٹیڈ (KRIDL)کی طرف سے فکسڈ ڈپازٹ میں جمع کیے گئے 55کروڑ روپوں کو دھوکہ دہی کے ذریعے ذاتی مفاد کے لئے استعمال کرنے پر بینک کے منیجر سمیت 5ملزمین کو پولیس نے گرفتار کرلیا ہے۔
گرفتار شد ہ ملزمین کی شناخت IOBکے ریجنل منیجر سیرین مدھو سدن،سیجو ، سنیل، جیری اور سلام کے طور پر کی گئی ہے، جنہیں عدالتی حراست میں بھیج دیا گیا ہے۔اس فراڈ اوربدعنوانی کے سلسلے میں KRIDLکے تین افسران کو بھی معطل کرکے ان کے کردار کے تعلق سے تحقیقات کی جارہی ہے۔