منگلورو کوسٹ گارڈنے بیچ سمندر میں پھنسے 15ماہی گیروں کو بچالیا
منگلورو21؍مارچ (ایس او نیوز) کاروار سمندری علاقے میں 46 ناٹیکل مایئلس کی دوری پرایمانیول کونھپّا نامی ماہی گیر کشتی کا انجن جب بیچ سمندر میں فیل ہوگیا اور اس پر موجود 11ماہی گیر مصیبت میں پھنس گئے توکنّور ڈسٹرکٹ ڈِسیاسٹر منیجمنٹ اتھاریٹی نے ڈی ایچ او کے افسران کو فوری طور پر اس کی اطلاع کردی۔
فوری امداد طلب کرنے والی کال موصول ہوتے ہی کوسٹ گارڈ ریجنل ہیڈ کوارٹر(آر ایچ کیو) اور ڈی ایچ کیو۔3 کی ٹیم سے منسلک عملہ فوری طور پر متعلقہ مقام تک پہنچ گیا اور کشتی پر موجود 11ماہی گیروں کو بحفاظت بچالانے میں کامیاب ہوگیا۔
یہ خبر بھی موصول ہوئی ہے کہ منگلورو بندرگاہ سے 75ناٹیکل مائیلس کی دوری پر جاپملا مٹھا نامی ایک اور ماہی گیر کشتی ڈوب رہی تھی تو کوسٹ گارڈ کے افسران نے جائے وقوع پر پہنچ کر موجود 4ماہی گیروں کو بچالیا ہے۔ڈی آئی جی ایس ایس ڈاسیلا نے بیچ سمندر میں پھنسے ہوئے تمام ماہی گیروں کو بحفاظت بچا لیے جانے کی تصدیق کی ہے۔