منگلورو:24/مئی (ایس اؤنیوز)اُڑیسہ سے منگلورو کے لئے گانجہ سپلائی کرنےو الے دونوجوانوں کو پولس نے گرفتارکرتے ہوئے ان سے موبائیل ، نقد رقم وغیرہ کو ضبط کرلیا ہے۔
شہر کے منگلا کھیل میدان کے اطراف گانجہ فروخت کرنے کی کوشش کررہے دونوں ملزموں کو رنگے ہاتھوں دبوچ لینے کی ذرائع نے خبر دی ہے۔ گرفتار شدہ ملزموں کی شناخت اُڑیسہ کے شانتنوکمار شاہو(20) اور پنمبور کے وکرم (27)بتائی گئی ہے۔ ملزموں سے 2.5لاکھ روپیوں مالیت کا 5کے جی گانجہ اور گانجہ سپلائی کے لئے استعمال کئے جانے والے رکشا کو ضبط کرلیا ہے۔ برکے پولس تھانے میں گانجہ سپلائی کو لے کر کیس درج کرلیا گیا ہے۔