منگلورو: ریاستی وزیر ضمیر احمد خان نے بجرنگ دل کے نوجوانوں کولاکھ روپئے  انعام سےنوازا

Source: S.O. News Service | By Abu Aisha | Published on 12th October 2018, 6:14 PM | ساحلی خبریں |

منگلورو:12/اکتوبر(ایس اؤ نیوز) ضلع کورگ کے مڈکیری علاقے میں جوڑو پالا میں بادل پھٹ پڑنے اور طوفانی ہواؤں  سے ہوئے حادثات کے دوران اپنی جان کی پرواہ نہ کرتے ہوئے لوگوں کی جان بچا کر ان کی حفاظت کرنے والے 4نوجوانوں کو ریاستی کابینہ کے وزیر ضمیر احمد خان نے فی کس 1،1لاکھ روپئے بطور انعام عطا کیا ہے۔

بجرنگ دل کے بپن کلونگڑی ، منوہر کلمے ، وجئے نڈنجی اور دنینش کلنگڈی کو ضمیر احمد خان نے ایک ایک لاکھ روپئے کا انعام دینے کے بعد کہا کہ تم تمہارے خاندان سمیت ملک کے کسی بھی مندر پہنچ کر عوامی امن اور اعتمادکے لئے متحدہ دعا کریں۔ ہم سب اپنے دھرم ،ذات، نسل سے اوپر اٹھ کر ایک انسان کی طرح زندگی جینے کی بات کہی۔

خیال رہے کہ وزیر ضمیر احمد خان نے حال ہی میں جب جوڑوپالا کا دورہ کیا تھاتو تحفظاتی ٹیم میں موجود 12مسلم نوجوانوں کو  ان کی خدمات کے صلے میں اپنی ذاتی خرچ پرسبھی نوجوانوں کو  عمرہ   کا تحفہ دیا تھا۔ ضمیر احمد خان کی انسانیت نوازی اور مشکلات میں حوصلے اور ہمت سے کام کئے نوجوانوں کو بلا تفریق مذہب و ملت انعام واکرام سے نوازے جانے پر عوام نے ستائش کرتے ہوئے کہا کہ مشکلات کے وقت جس طرح ان نوجوانوں نے بغیر تعصب و تفریق کے ہر ایک کی مدد کی تھی ان کے لئے اللہ تعالیٰ نے عمرہ کی سعادت عطا کی ہے۔ اسی طرح ہندو نوجوانوں کو بھی انعام سے نوازے جانے پر یک جہتی کی طرف اہم قدم قرار دیاہے۔ عوام نے ضمیر احمد خان کے اس اقدام کی تعریف کرتےہوئے   ان کے حق میں دعائیہ کلمات کہے ہیں۔

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔

بھٹکل تعلقہ پنچایت کا عام اجلاس۔ چنبیلی کے پھولوں کی قیمت، فصل بیمہ اور آوارہ کتوں کے حملوں پرہوئی بحث

تعلقہ پنچایت کے ماہانہ عام اجلاس میں اراکین اور محکمہ جاتی افسران نے مختلف مسائل پر بحث کی۔ تعلقہ پنچایت رکن وشنو دیواڈیگا نے بھٹکل ملّیگے (چنبیلی کے پھول) اگانے والوں کا مسئلہ اٹھاتے ہوئے کہا کہ یہ پھول بازار میں جس قیمت پر بکتے ہیں اس میں اور پھول اگانے والوں کو ملنے والی ...