منگلورو :۲۶/ستمبر (ایس او نیوز) دکشن کنڑا ضلع کے 10مندروں میں گذشتہ 6مہینوں میں جوڈکیتی کے معاملات انجام دئیے گئے تھے ضلع ڈی سی آئی بی کی قیادت میں پولس ٹیم نے جال کا پتہ لگاکر بین ریاستی 5 چوروں کو گرفتار کرنے میں کامیاب ہوگئی ہے۔

ممبئی کے تھانہ میں گرفتار کئے گئےپانچوں ملزموں سے پولس نے 22 کلوچاندی اور75 گرام سونا سمیت کل 12.5لاکھ روپئے کے زیورات ضبط کئے گئے ہیں۔ اخبارنویسوں سے گفتگو کرتے ہوئے ضلع پولس ایس پی بھوشن جی بورسے نے گرفتار شدہ ملزموں کی شناخت ہوناورتعلقہ کے چندرکانت پجاری (36)، بنگلورو کے نرسمہا راجو (38)، مہاراشٹرا کے نوین چندر(21)، وجئے سریش بھوسلے (35) اور وشال پونکے کے طورپر کی گئی ہے۔ یہ پانچوں ملزم کاڑو مہاراشٹرا اور کرناٹکا کے کئی ایک ڈکیتی کے معاملات میں ملوث بتائے گئے ہیں۔ان میں جیل کی سزا یافتہ بھی ہیں۔ ملزموں میں سے چندر کانت پجاری کے خلاف ممبئی ، اُڈپی ، کنداپور ، چتردرگہ جیسے پولس تھانوں میں مقدمات درج ہیں۔ نرسمہا راجو ڈگری یافتہ ہے ، بنگلورو کے راجا نوکونٹے ، چک پیٹ ، اُڈپی ، کارکلا جیسے مقامات میں چوری کرنے پر جیل کی سزا پاچکاہے۔ ایس پی نے بتایا کہ ملزموں سے ضبط کردہ اشیاء کو عدالت میں پیش کرنے کے بعد متعلقہ مندروں کے انتظامیہ کو لوٹائے جائیں گے۔ چوری کردہ زیورات کو ملزمان نے چاندی کے زیورات کے بیوپاری وشال ممبئی کو فروخت کرتے تھے اور پرانے اشیاء بتا کر عوام کو بیچ کر ملزموں کے ساتھ مساوی طورپر تقسیم کیا جاتا تھا۔ کارروائی میں شریک عملے اور افسران کو نقد انعام کے ساتھ ان کی عزت افزائی کئے جانے کی جانکاری دی ۔

:SahilOnline Coastal news bulletin in URDU dated 26 September 2016