ضلع اُترکنڑا کے لوکل بوڈیس انتخابات میں کانگریس اور بی جے پی کے درمیان کڑا مقابلہ؛ دو تعلقوں میں آزاد اُمیدوار ادا کرسکتے ہیں فیصلہ کن رول

Source: S.O. News Service | By I.G. Bhatkali | Published on 3rd September 2018, 12:55 PM | ساحلی خبریں |

کاروار3/ستمبر(ایس او نیوز) ضلع شمالی کینرا کے  آٹھ لوکل بوڈیس انتخابات کی ووٹوں  کی گنتی آج پیر کو کی گئی ، جس میں کانگریس اور بی جے پی نے تین تین تعلقہ جات میں اپنی  جیت درج کی۔ ضلع میں کسی بھی  تعلقہ میں جے ڈی ایس  کو اقتدار حاصل نہیں ہوا، البتہ  دو دیگر تعلقہ جات میں جے ڈی ایس  اور آزاد اُمیدوارفیصلہ کُن  رول ادا کرسکتےہیں۔

کاروار میں  کانگریس کو 11، بی جے پی کو 11، جے ڈی ایس کو 4 اور دیگر کو 5 سیٹوں پر کامیابی حاصل ہوئی ہے۔ انکولہ میں کانگریس کو 10، بی جے پی کو 8، جے ڈی ایس کو صفر مگر دیگر کو 5 سیٹوں پر کامیابی ملی ہے۔دونوں تعلقوں میں آزاد اُمیدواروں یا جے ڈی ایس اُمیدواروں پر سب کچھ منحصر ہے کہ وہ کس پارٹی کی حمایت کرتے ہیں۔

کمٹہ، سرسی اور منڈگوڈ میں بی جے پی نے زائد سیٹوں پر کامیابی حاصل کرتے ہوئے کانگریس پر اپنی سبقت  ثابت کردی ہے، تو ڈانڈیلی، ہلیال اور یلاپور میں کانگریس نے بازی ماری ہے۔

پڑوس کے اُڈپی میں بی جے پی نے 35 میں سے 31 سیٹوں پر کامیابی حاصل کرتے ہوئے کانگریس کو صرف چار سیٹوں پر محدود کردیا ہے تو پتور میں  بی جےپی نے 31 میں سے 25 سیٹوں پر  قابض ہوگئی ہے، یہاں کانگریس کو پانچ اور ایس ڈی پی آئی کو ایک سیٹ پر کامیابی ملی ہے، اُلال میں کانگریس کو 13، بی جے پی کو 6، جے ڈی ایس کو 4، ایس ڈی پی آئی کو 6 اور دیگر کو دو سیٹوں پر کامیابی حاصل ہوئی  ہے تو  بنٹوال میں کانگریس کو 12، بی جے پی کو 11 اور ایس ڈی پی آئی کو4 سیٹوں پر کامیابی حاصل ہوئی ہے۔ 

ایک نظر اس پر بھی

کارواربحری اڈے کی ٹھیکے پر لی گئی گاڑیاں روڈ ٹیکس ادا نہیں کرتیں۔ ریاستی حکومت کاہورہا ہے نقصان

کاروار کے سی برڈ منصوبے سے متعلق سرگرمیوں کے لئے سیکڑوں نجی گاڑیاں ٹھیکے پر لی گئی ہیں جن کے بارے میں پتہ چلا ہے کہ گاڑی مالکان ان گاڑیوں کا روڈ ٹیکس ادا نہیں کررہے ہیں ، جس کی وجہ سے ریاستی خزانے کوکروڑوں روپوں کا نقصان ہورہا ہے۔اس تعلق سے بحریہ کے مقامی افسران کو محکمہ روڈ ...

بھٹکل سرکاری فرسٹ گریڈ ڈگری کالج میں طلبا کے لئے مفت صحت جانچ کیمپ کا انعقاد؛ کالج لائبریری کا بھی افتتاح

طلبا کی زندگی میں خوابوں کو حقیقت میں بدلنے کے لئے مسلسل محنت ، لگن کا اہم رول ہے۔ حوصلہ و ہمت سے اپنی منزل کو پانا آسان ہونے کا رکن اسمبلی سنیل نایک نےخیال ظاہرکیا۔

بھٹکل رکن اسمبلی کےہاتھوں مُٹھلی میں ریلوے اسٹیشن کی طرف جانے والی سڑک کی تعمیرکا سنگ بنیاد

تعلقہ کے مٹھلی گرام پنچایت حدود میں بھٹکل  ریلوے اسٹیشن  سے جوڑنے والی سڑک کی تعمیر کے لئے رکن اسمبلی سنیل نائک نے پوجا پاٹ کے ساتھ سنگ بنیاد رکھا۔ مقامی لوگوں نے بتایا کہ پندرہ سال کے بعد اب جاکر یہاں نئی سڑک تعمیر کی جارہی ہے۔

بھٹکل سے کاروار تک تعمیر کی جانےو الی قومی شاہراہ میں کروڑوں روپئے گھپلہ کا الزام : سی بی آئی جانچ کا مطالبہ کرتے ہوئے بھٹکل ناگریک ویدیکے کا ڈی سی کے نام میمورنڈم

اترکنڑا ضلع میں بھٹکل سے کاروار تک تعمیر کی جارہی قومی شاہراہ کی تعمیراتی کاموں میں بہت ساری گھپلہ بازی ہوئی ہے ۔ اس تعلق سے سی بی آئی جانچ کی مانگ کرتے ہوئے بھٹکل ناگریک ویدیکے نے اسسٹنٹ کمشنر کی معرفت ضلع ڈپٹی کمشنر کو میمورنڈم سونپاہے۔

بھٹکل میونسپالٹی کی عام میٹنگ میں نئی مچھلی مارکیٹ کے لئے دوبارہ نیلامی کا فیصلہ : کئی دیگر مسائل پر بھی بحث

بھٹکل میونسپالٹی میں منعقدہ عام میٹنگ میں پرانی اور نئی مچھلی مارکیٹ  کے مچھلی بیوپاریوں کو لےکر کافی بحث ہوئی ، بعد میں  اس بات کا فیصلہ لیا  گیا کہ اگلے دو دن کے اندرنئی مچھلی مارکٹ   کی نیلامی کا اعلامیہ شائع کرتے ہوئے  ایک ہفتہ کے اندر  بولی کی  کارروائی انجام دی جائے۔