مسلم قبرستانوں کے انفراسٹرکچر کیلئے 15 کروڑ منظور،روشن بیگ کے ہاتھوں ٹیانری روڈ اور السور قبرستانوں میں یل ای ڈی لائٹوں کی تنصیب

Source: S.O. News Service | By Shahid Mukhtesar | Published on 7th December 2017, 11:03 AM | ریاستی خبریں |

بنگلورو،6؍ دسمبر (ایس او نیوز؍عبدالحلیم منصور) ریاستی وزیر برائے شہری ترقیات و حج آر روشن بیگ کی ایما پر بی بی یم پی ٹیکس اینڈ فائنانس کمیٹی کے سابق چیرمین یم کے گنا شیکھر کے دور میں شہر کے مسلم قبرستانوں میں یل ای ڈی لائٹوں کی تنصیب کے علاوہ بنیادی انفراسٹرکچر کی فراہمی کیلئے تقریباً 15 کروڑ روپوں کی منظوری حاصل ہوئی ہے، جس کے پیش نظر آج محمد ضمیر شاہ کی نمائندگی والے یس کے گارڈن وارڈ میں آنے والے ٹیانری روڈ قبرستانمیں مولانا زین العابدین صاحب کی دعاؤں سے یل ای ڈی لائٹوں کی تنصیب کا آغاز ہوا۔ علاوہ ازیں ٹیانری روڈ قبرستان میں بنیادی انفراسٹرکچر کی فراہمی کیلئے 5.64 کروڑ روپئے منظور ہوئے ہیں، اور ان کیلئے ٹنڈر کا عمل بھی شروع ہوگیا ہے۔ اس موقع پر جناب روشن بیگ نے بتایا کہ جب یم کے گنا شیکھر بی بی یم پی ٹیکس اینڈ فائنانس کمیٹی کے چیرمین تھے، تب انہوں نے شہر کے مسلم قبرستانوں کو بنیادی انفراسٹرکچر فراہم کرنے کیلئے انہیں تجویز پیش کی تو اس پر عمل کرتے ہوئے انہوں نے نندی درگا روڈ قبرستان، ولسن گارڈن قبرستان اور میسور روڈ قبرستان میں یل ای ڈی لائٹوں کی تنصیب کے ساتھ ساتھ بنیادی انفراسٹرکچر کی فراہمی کیلئے تقریباً 15 کروڑ روپوں کا فنڈ منظور کیا ہے، اور ان منصوبوں کی تکمیل کیلئے ٹنڈر کا عمل بھی شروع ہوگیا، عنقریب اس کیلئے سنگ بنیاد عمل میں آئیگا۔ اس موقع پر کارپوریٹر محمد ضمیر شاہ، یم کے گنا شیکھر، جواں سال قائد آر رومان بیگ، مقامی کانگریس رہنما ورون پرسنا کمار، بلاک کانگریس صدر اسماعیل شریف، عیدہ جدید ٹرسٹ کے صدر ابراہیم، سکریٹری رشید اور دیگر عمائدین موجود تھے۔ ٹیانری روڈ قبرستان میں جملہ 203 یل ای ڈی لائٹ نصب ہوں گے۔ بعد ازاں جناب روشن بیگ صاحب نے السور قبرستان میں یل ای ڈی لائٹوں کی تنصیب کیلئے سنگ بنیاد رکھا، دعائیہ تقریب کے ساتھ لائٹوں کی تنصیب کا آغاز ہوا۔ اس موقع پر مقامی لوگوں اور قبرستان کے ذمہداران نے جناب روشن بیگ کا شکریہ ادا کرتے ہوئے بتایا کہ قبرستان کو روشنی فراہم کرکے انہوں نے کارنامہ انجام دیا ہے۔ جامع مسجد السور کے صدر سمیع اللہ پٹھان نے اس موقع پر بتایا کہ وہ جناب روشن بیگ کی شخصیت کے معترف ہیں اور انہوں نے ایسے سکیولر لیڈر کو آج تک نہیں دیکھا ہے جو تمام طبقات میں یکساں مقبول ہیں۔ پہلی مرتبہ شہر بنگلورو میں جناب روشن بیگ کی ایما پر قبرستانوں میں یل ای ڈی لائٹوں کی تنصیب اور انفراسٹرکچر کی فراہمی کیلئے جو پہل ہوئی ہے وہ قابل تقلید ہے۔ اس موقع پر چاند خان کے علاوہ السور کی تمام مساجد کیے ذمہ داران اور عمائدین نے جناب روشن بیگ، جواں سال قائد آر رومان بید اور کارپوریٹر یم کے گنا شیکھر کو تہنیت پیش کرتے ہوئے شکریہ ادا کیا۔ السور قبرستان میں تقریباً 62 یل ای ڈی لائٹوں کی تنصیب ہوگی۔

ایک نظر اس پر بھی

ہوناور معاملہ پر وزیر اعلیٰ سے روشن بیگ کی نمائندگی،حالات پر نظر رکھنے ضلع انچارج وزیر دیش پانڈے کمٹہ روانہ

اترکنڑا کے ہوناور میں 8 دسمبر کو غیر مسلم نوجوان کی مشتبہ حالت میں نعش بازیافت ہونے کے معاملہ کو سنگھ پریوار کی جانب سے فرقہ وارانہ رنگ دینے کی جو کوششیں ہورہی ہیں،

ایس ڈی پی آئی ریاستی صدر عبدالحنان کی قیادت میں ایک وفد نے بابا بڈھن گری دادا پہاڑ کا دورہ کیا

سوشیل ڈیموکریٹک پارٹی آف انڈیاکے ریاستی صدر عبدالحنان کی قیادت میں ایک وفد میں بابا بڈھن گری دادا پہاڑ کا دورہ کیا جہاں گزشتہ دنوں بجرنگ دل کے غنڈوں نے دتہ ہاترا کے موقع پر بابابڈھن درگاہ کے احاطہ میں زبردستی گھس کر وہاں موجود بزرگوں کے مزاروں کو توڑ پھوڑ کر کے بے حرمتی کی تھی۔ ...

13 دسمبر کو کرناٹک اقلیتی کمیشن کی میٹنگ

کرناٹک اسٹیٹ مائنارٹیز کمیشن کے سکریٹری ایس انیس سراج کی اطلاع کے مطابق 13 دسمبر بروز چہار شنبہ صبح10:30 بجے ٹینس پویلین، پیلیس گراؤنڈ بنگلور میں ایک میٹنگ کا انعقاد عمل میں لایا گیا ہے،