کمٹہ تحصیلدار دفتر کا عملہ اے سی بی دستہ کے ذریعے رشوت لیتے ہوئے رنگے ہاتھوں گرفتار
کمٹہ:02؍فروری (ایس او نیوز)تحصیلدار دفتر کے رجسٹرار شعبہ کے فسٹ ڈویزن کلرک رشوت لیتے ہوئے اے سی پی پولس نے رنگے ہاتھوں گرفتار کرنے کا واقعہ پیش آیاہے۔
سریش مریپا وکوند نامی شخص کے وارثہ معاملے کو لےکر گزشتہ 4مہینوں سے کمٹہ شہر کے مکین گریش بھنڈاری کو وارثہ دینے رشوت کی مانگ کرتے ہوئے ہراساں کئے جانے کی بات کہی جارہی ہے۔ گریش اپنی دادی کا وارثہ درج کرلینے کے لئے عرضی دی تھی ، تبدیلی کے لئے دفتر کے چکر کاٹ رہے تھے۔ لیکن دفتر کا کلرک سریش وارثہ دئیے بغیر رقم کے لئے ہراساں کرتارہا۔ جس سے بیزار ہوکر گریش نے اے سی بی تفتیشی ایجنسی میں شکایت درج کی۔
انسداد رشوت خوری دستہ کے افسران جمعہ کو تحصیلدار دفتر پر چھاپہ مارکر عین رشوت لیتے وقت ہی کلر ک سریش کو رنگے ہاتھوں پکڑ کر کیس درج کرلیا۔ اے سی بی کے ڈی وائی ایس پی گریش کا معاملہ درج کرلینے کے بعد ملزم کو کاروار ضلعی عدالت میں پیش کئےجانے کی اطلاع دی ہے۔ کارروائی میں اے سی بی دستہ کے راجیش نائک، شیوا، کرشنا ، گجیندر، پرساد ، محبوب علی ، منجوناتھ وغیرہ شریک تھے۔