کمٹہ: چیتے اور بلی کے چمڑوں کی غیر قانونی سپلائی :گرفتار ملزموں کی حمایت میں رکن اسمبلی ؟
کمٹہ: 30؍اکتوبر (ایس او نیوز) چیتےاور بلی کے چمڑوں کی غیر قانونی سپلائی کا پیچھا کرتے ہوئے فاریسٹ افسران جیسے ہی گرفتاریاں شروع کیں اور کمٹہ سے 6ملزموں کو گرفتار کیا تو کہا جارہاہے کہ ایک رکن اسمبلی نے ملزموں کو رہا کرانے کے لئے فاریسٹ افسران پر مسلسل دباؤ بنا ئے رکھا مگر فاریسٹ افسران اس معاملے میں کسی بھی رعایت سے انکار کیاتو رکن اسمبلی بری طرح ناکام ہونے کی بات کہی جارہی ہے۔
فاریسٹ افسران کو شبہ ہے کہ ضلع میں جنگلات کی دولت کو سپلائی کرنے کے پیچھے ایک منظم جال ہے۔ افسران کی مانیں تو معاملے کو لےکر مزید ملزموں کو تحویل میں لئے جانے کے امکانات ہیں۔ چھتیس گڑھ سمیت مختلف ریاستوں سے انجان لوگوں سے بے شمار پیسہ ملنے کے متعلق فاریسٹ افسران جانچ کررہے ہیں۔ملزموں سے ابھی تک یہ پتہ نہیں چلا ہے کہ ان چمڑوں کو کہاں سپلائی کیا جاتاتھا کیونکہ ان چمڑوں کو کمٹہ اور ریاست کے دیگر مقامات کے دلال اگلی سپلائی کی نگرانی کرتے ہیں۔ یہ بھی پتہ چلا ہے کہ کسی انجان دور مقام پر بیٹھا کوئی انجان شخص ان کے بینک کھاتوں میں رقم جمع کرتاہے۔ معاملہ اتنا سنگین ہونے کے باوجود ملزموں کی رہائی کے لئے ایک رکن اسمبلی کا فاریسٹ افسران پر دباؤ بنانا اور محکمہ کے دفتر میں گھنٹہ بھر بیٹھ کر ملزموں کی رہائی کی کوشش کرنا عوامی سطح پر کئی شکوک کو جنم دے رہا ہے۔