کمٹہ:18/مئی (ایس اؤنیوز)ذہنی عدم توازن کا شکارایک معمرشخص پر ہوٹل مالک کی جانب سے گرم پانی پھینکے جانے کی واردات  منگل کی دیر رات پیش آئی ہے۔

ذرائع سے ملی اطلاع کے مطابق تعلقہ کے باڈ دیہات کے سریش رام نائک (55)وہ ذہنی اپاہج شخص ہے جو ہوٹل مالک کے ظلم کا شکار ہواہے۔ کمٹہ نئے بس اسٹانڈ کے سامنے بدھ کی صبح سریش زخموں سے تڑپ رہا تھاتومقامی عوام نے توجہ دی اور علاج کے لئے کمٹہ سرکاری اسپتال میں داخل کیا۔ چالوکیہ ہوٹل مالک اور باڈ گرام پنچایت کے نائب صدر روی کانت نائک پر الزام لگایا گیا ہے کہ اسی نے اس شخص پر گرم پانی پھینک کر ذہنی اپاہج شخص پر ظلم ڈھایا ہے۔ گرم پانی پھینکے جانے سے جسم پر جہاں تہاں جلے ہوئے زخم دیکھے گئے ہیں۔ اسپتال میں زیر علاج سریش نائک کے مطابق ہوٹل مالک روی کانت نائک کے خلاف مقامی پولس تھانے میں کیس درج کرلیا گیا ہے اور جانچ جاری ہے۔