کمٹہ 22؍مارچ (ایس او نیوز)مسلم نوجوان کی طرف سے رام رتھ کو چپل دکھانے کا الزام لگا کر کمٹہ میں جو احتجاجی بند منایا گیا تھا، اس میں بعض بی جے پی لیڈران کے غائب رہنے کی رپورٹ موصول ہوئی ہے۔جس کے تعلق سے پارٹی کے اندر چہ میگوئیاں چل رہی ہیں۔

احتجاج سے غائب رہنے والوں میںآئندہ الیکشن میں ایم ایل اے سیٹ کے امیدوار اور بعض بی جے پی کے عہدیدار بھی شامل ہیں۔بی جے پی کے سینئر لیڈر مدن نائک،ایم ایل اے کی امیدوار گائیتری نائک، کاجو بورڈ کے سابق چیر مین ونود پربھو،بی جے پی تعلقہ منڈ ل صدر کمار مارکنڈے، جگدیش بلّال،چیتیش شانبھاگ، اشوک پربھو، ایم ، جی بھٹ، بلدیہ رکن راجیش پائی، ونود بھنڈاری اور دیگر کئی لیڈران کے بارے میں کہاجاتا ہے کہ انہوں نے اس احتجاج میں حصہ نہیں لیا، کیونکہ واقعہ کے سچائی کے تعلق سے انہیں بھی شکوک و شبہات تھے۔ان میں سے ایک لیڈر کو یہ کہتے ہوئے بھی سنا گیا کہ اس طرح کی سیاست میں مجھے کوئی دلچسپی نہیں ہے۔