خلیج مسلم شراوتی کونسل کی جانب سے ہیرانگڈی میں ہونہار طلبا و طالبات میں تقسیم کئے گئے انعامات و اعزازات
بھٹکل6/اگست (ایس او نیوز) پڑوسی تعلقہ ہوناور کے ہیرانگڈی میں خلیج مسلم شراوتی کونسل کا سالانہ تعلیمی ایوارڈ پروگرام منعقد ہوا جس میں شراوتی پٹری پر بسے قصبوں کے ہونہار بچوں کو انعامات و اعزازات سے نوازا گیا۔ تقریب میں سات ایس ایس ایل سی کے ٹاپرس کو اور پانچ حفاظ کرام کو بھی انعامات سے نوازا گیا۔ بتایا گیا ہے کہ ہوناور، گیر سوپا، سڑلگی، ولکی ، سمسی، ہیرانگڑی سمیت شراوتی بیلٹ کے ہونہار طلبا و طالبات کو نمایاں کامیابی حاصل کرنے پر ایوارڈس سے نوازا گیا۔
تقریب میں مہمان خصوصی کے طور پر بھٹکل جامع مسجد کے خطیب مولانا عبدالعلیم خطیب ندوی موجود تھے جنہوں نے اپنے خطاب میں بچوں کو کئی ایک نصیحتوں سے نوازا ۔ کینرا مسلم خلیج کونسل کے صدرعبدالقادر باشہ رکن الدین، جنرل سکریٹری ابومحمد مختصر سمیت اطراف و اکناف کی جماعتوں کے کافی ذمہ داران بھی اعزازی مہمان کے طور پر شریک تھے۔
جن بچوں کو ایوارڈ سے نوازا گیا، اُن کے نام اس طرح ہیں:
ایس ایس ایل سی میں محمد عفان فیاض شیخ، ہوناور (89.12 فیصد)، فرزین فاروق خان، سمسی(90.24 فیصد)، بی بی فاطمہ عبدالرحمن صاب، سمسی (90.24 فیصد)، اُمِ ریحا محمد میراں صاب، اُپّنی (90.88 فیصد)، افراح مختار عبدالحمید، گیرسوپا (89.76 فیصد) ، اُمِ رباب مسّنا گائیب ، ولکی (90.04 فیصد) ، اُسامہ جعفر صادق مختصر، ہیرانگڈی (88.96 فیصد) اور سکینڈ پی یوسی میں مزمل عبدالمطلب شیخ، ہوناور (95.16 فیصد)
حفاظ کرام میں احمد خواجہ بونگیا (ہوناور)، شعیب شبیر داولجی (ولکی)، محمد یونس محمد ادریس (ہیرانگڈی)، فائزہ بنت عبدالشکور (سڑلگی)، ریان جعفر صادق منّا ۔
احمد خواجہ بونگیا کی تلاوت کلام پاک سے جلسہ کا آغاز ہوا، سعد شمعون نے نعت شریف کا نذرانہ پیش کیا، مظفر شیخ سڑلگی نے مہمانوں کا استقبال کیا، خلیج مسلم شراوتی کونسل کی سالانہ رپورٹ جنرل سکریٹری مولوی عبداللہ سکری نے پیش کی۔ کونسل کے صدر خواجہ ابکار نے پروگرام کی صدارت کی۔ آخر میں مولانا عبدالعلیم خطیب ندوی کی دُعا پر جلسہ اختتام کو پہنچا۔