کیرالہ: بدلہ چکانے کے لئے کیا گیا آر ایس ایس رضاکار کا قتل

Source: S.O. News Service | By Shahid Mukhtesar | Published on 12th November 2017, 8:11 PM | ساحلی خبریں |

تھیرو اننت پورم 12؍نومبر(ایس او نیوز)قتل کے الزام میں جیل سے ضمانت پر رہا ہونے والے آر ایس ایس کے ایک رضاکار آنند کو تھریسور میں دن دہاڑے سڑک کنارے قتل کردیا گیا۔ شبہ کیاجاتا ہے کہ اس میں سی پی آئی (ایم) کے رضاکاروں کا ہاتھ ہوگا۔

کہتے ہیں کہ آنند3سال قبل ہوئے سی پی آئی (ایم) رضاکار قاسم کے قتل میں ملوث تھا۔ اور اسی سلسلے میں جیل میں بند تھا۔ چونکہ ضمانت پر رہا ہونے کے بعد اس کو قتل کیا گیا ہے اس لیے پولیس کو شبہ ہے کہ یہ قتل بدلہ چکانے کے لئے سی پی آئی (ایم) کی طرف سے انجام دیا گیا ہوگا۔قتل کی واردات اس وقت انجام دی گئی جب آنند موٹر سائیکل پر کہیں جارہا تھاتو سامنے سے آنے والی کار نے اس کی بائک کوٹکر ماری اوروہ سڑک کنارے گرگیا پھر کارسے اترنے والے لوگوں نے آنندپر جان لیوا حملہ کیا۔ زخمی حالت میں اسپتال لے جانے پر ڈاکٹروں نے اس کی موت کی تصدیق کردی۔

کیرالہ میں مارکسسٹ اور آر ایس ایس رضاکاروں کے بیچ قتل وخون کا بازار لمبے عرصے سے جاری ہے۔جہاں ایک پارٹی کے رضاکار کے قتل کا بدلہ دوسری پارٹی کے کارکن کے قتل سے لیا جاتا ہے۔ اس طرح کے سیاسی قتل کی وارداتیں کنّور میں زیادہ دیکھنے کو ملی ہیں۔ جہاں سال2000سے2016تک کے دوران 69افراد کا سیاسی قتل ہواہے۔

ایک نظر اس پر بھی

ضلع شمالی کینر ا کے سرسی اور کاروارشہروں میں وقف کمیٹی کے2دفاتر

وزیر برائے تعلیمات، اقلیتی بہبود اور اوقاف جناب تنویر سیٹھ کی جانب سے کرناٹک وقف بورڈ کے چیف ایکزیکٹیو آفیسر کو بھیجے گئے مراسلے کے مطابق اب ضلع شمالی کینرا میں وقف کمیٹیوں کے 2دفاتر ہونگے جن میں سے ایک سرسی اور دوسرا دفترکاروار میں ہوگا۔ 

یلاپور میں پرائیویٹ بس اور لاری کے درمیان خطرناک ٹکر؛ 31 مسافر زخمی

لکثری بس اور لاری کے درمیان ضلع  اُترکنڑا کے یلاپور میں پیش آئے ایک سڑک حادثہ  میں بس ڈرائیور اور لاری ڈرائیور سمیت 31 مسافر  شدید زخمی ہوگئے۔ حادثہ سنیچر اور اتوار کی درمیانی شب بسگوڈا کراس نیشنل ہائی وے 66 پر پیش آیا۔

منڈگوڈ:بی جے پی پریورتن اجلاس کے دوران جیب کتروں نے دکھائی ہاتھ کی صفائی۔ایک کارکن کی جیب سے اڑائے ایک لاکھ روپے!

منڈگوڈ شہر میں منعقدہ بی جے پی اجلاس کے دوران جیب کتروں نے اپنے ہاتھ کی صفائی دکھائی اور اجلاس میں شریک ایک کارکن کی جیب سے ایک لاکھ روپے اڑانے میں کامیاب ہوگئے۔

کار اور بس کے درمیان تصادم میں1ہلاک ،4شدید زخمی

دھرمستھلا سے سبرامنیا کی طرف جاتے ہوئے اچلمپاڈی کے قریب ایک کار اور پرائیویٹ بس کے درمیان زبردست تصادم ہوا جس کے نتیجے میں ایک شخص کی موت واقع ہوگئی اور چار افراد سنگین طور پر زخمی ہوگئے ہیں۔